Dinamalar

மீண்டும் சினிமா படப்பிடிப்பில் பங்கேற்ற பவன் கல்யாண்

ஆந்திர மாநில துணை முதல்வரும், நடிகருமான பவன் கல்யாண், துணை முதல்வராகப் பதவியேற்பதற்கு முன் மூன்று தெலுங்குப் படங்களில் நடிக்க ஒப்பந்தமாகி இருந்தார். 'ஹரிஹர வீர மல்லு, ஓஜி' ஆகிய இரண்டு படங்களின் படப்பிடிப்புகள் அப்போது நடந்து வந்தது. கடந்த வருடம் சட்டமன்றத் தேர்தல் முடிந்த பிறகு அப்படங்களில் நடிப்பதைத் தள்ளிப் போட்டார்.

பின்னர் 'ஹரிஹர வீர மல்லு' படத்தில் கலந்து கொண்டு நடித்தார். பிறகு அரசுப் பணிகள் நிறைய இருந்ததால் படப்பிடிப்பை மீண்டும் தள்ளி வைத்தார். அவர் சில நாட்கள் நடித்துக் கொடுத்தால் படத்தின் முழு படப்பிடிப்பும் முடிந்துவிடும் என்ற நிலை இருந்தது. இன்று முதல் அப்படப்பிடிப்பில் கலந்து கொண்டு நடிக்க ஆரம்பித்துள்ளார். இன்னும் நான்கைந்து நாட்கள் படப்பிடிப்பு நடக்க உள்ளதாகத் தெரிகிறது. அத்துடன் படப்பிடிப்பு முடிவடைவதால் படத்தை மாதக் கடைசியில் வெளியிட திட்டமிட்டுள்ளார்களாம்.

இப்படத்தை ஏற்கெனவே மே 9 வெளியீடு என அறிவித்திருந்தார்கள். இப்படத்தை முடித்த பிறகு அவர் 'ஓஜி' படத்தில் நடிக்கத் தேதி கொடுக்க வேண்டும். கடந்த இரண்டு வருடங்களாக இப்படத்தின் படப்பிடிப்பு நின்று நின்று நடந்து வருகிறது. அவர் 25 நாள் தேதி தந்தால் படத்தை முடித்துவிடுவார்களாம். அது விரைவில் நடக்கும் என்று எதிர்பார்க்கப்படுகிறது. அப்படி நடந்தால் 'ஓஜி' படமும் இந்த வருடத்தில் வெளியாகிவிடும்.

• செய்திகள்
• வந்த படங்கள்

• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...
• 
  250 கோடியில் வீடு கட்டிய பாலிவுட் நட்சத்திர தம்பதிகள்
• 
  தமன்னா நடிக்கும் 'விவான்' படத்தின் படப்பிடிப்பு தொடங்கியது!
• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்

• 
  கத்தியை அந்தரத்தில் சுழற்றியபடி கேக் வெட்டிய பாலகிருஷ்ணா
• 
  பிரேமலு 2 தாமதம் ஏன் ? தயாரிப்பாளர் தகவல்
• 
  பிறந்தநாள் பார்ட்டியில் போதைப்பொருள் : புஷ்பா பாடகி மீது வழக்கு பதிவு
• 
  அல்லு அர்ஜுனுக்கு பதில் ஜுனியர் என்டிஆரை இயக்கும் திரி விக்ரம்
• 
  வில்லன் நடிகரின் துக்கத்தை பப்ளிசிட்டிக்கு பயன்படுத்துகிறதா படக்குழு?