Dinamalar

'ரெட்ரோ' படத்தில் இடம் பெற்ற 'செனோரீட்டா'.... இளையராஜாவின் பாடல்

தமிழ் சினிமாவில் தற்போது வரும் சில படங்களில் இளையராஜாவின் இசையில் வெளிவந்த சூப்பர் ஹிட் பாடல்கள் இடம் பெறுவது ஒரு 'பேஷன்' ஆகிவிட்டது. அப்படி இடம் பெறும் அந்தப் பாடல்கள், படத்திற்கான இசையமைப்பாளர் இசையமைத்த பாடல்களை 'ஓவர்டேக்' செய்து ரசிக்க வைப்பதும் நடந்து விடுகிறது.

நேற்று வெளியான 'ரெட்ரோ' படத்தில் அதன் இசையமைப்பாளர் சந்தோஷ் நாராயணன் இசையில் 'கன்னிமா' பாடல் வெளியீட்டிற்கு முன்பே ஹிட்டாகியது. அந்தப் பாடலை வைத்து நிறைய ரீல்ஸ்களும் வெளிவந்தன. ஆனால், நேற்று படத்தைப் பார்த்த போது அந்தப் பாடலை தொடர்ச்சியாக முழுமையாக இடம் பெற வைக்காமல் பாடலை துண்டு துண்டாக்கி, இடையில் சில முக்கியமான காட்சிகளை இணைத்ததால் பாடலின் தாக்கம் குறைந்து போய்விட்டது.

அதே சமயத்தில் சூர்யா, பூஜா ஹெக்டே இடம் பெற்ற இளையராஜாவின் பாடல் வந்தபோது அது வேறொரு தாக்கத்தை ஏற்படுத்தியது. 1980ல் மகேந்திரன் இயக்கத்தில், இளையராஜா இசையமைப்பில், ரஜினிகாந்த், ஸ்ரீதேவி, தீபா நடித்து வெளிந்த 'ஜானி' படத்தில் இடம் பெற்ற 'செனோரீட்டா' பாடலைத்தான் 'ரெட்ரோ' படத்தில் பயன்படுத்தி இருக்கிறார்கள்.

'ஜானி' படத்தில் இரண்டு ரஜினியில் ஒரு ரஜினி தொங்கு மீசை வைத்திருப்பார். அது போலவே 'ரெட்ரோ' படத்தில் சூர்யாவும் தொங்கு மீசைதான் வைத்திருக்கிறார். அதனால், 'ஜானி' பாடலை இயக்குனர் கார்த்திக் சுப்பராஜ் தேர்வு செய்திருக்கலாம். சூர்யாவும், பூஜா ஹெக்டேவும் இடம் பெற்றுள்ள அந்தப் பாடல் படத்தில் தனித்துவமாகத் தெரிகிறது. படத்தின் கதையே அந்தக் காலக் கதை என்பதால் சிச்சுவேஷனுக்குப் பொருத்தமாக இருக்கிறது.

சமீபத்தில் அஜித் நடித்து வெளியான 'குட் பேட் அக்லி' படத்தில் இளையராஜாவின் மூன்று பாடல்கள் இடம் பெற்றது 'காப்பிரைட்' சர்ச்சையை ஏற்படுத்தியது. 'ரெட்ரோ' படத்தில் இளையராஜாவின் பாடல் இடம் பெறுகிறது என்பதை படக்குழுவினர் ரிலீஸ் வரை சொல்லவில்லை. இப்போது ரசிகர்களுக்குத் தெரிந்துவிட்டது. எந்த சர்ச்சையும் இதற்கு எழாமல் இருக்கும் என்று எதிர்பார்ப்போம்.

இளையராஜா சிம்பொனி இசையமைத்து திரும்பியபின், அவரை சிவகுமார், சூர்யா சென்று சந்தித்து வாழ்த்து தெரிவித்தனர். அப்போது 'ரெட்ரோ' படத்தில் அவரது 'ஜானி' பாடலைப் பயன்படுத்த அனுமதித்ததற்கும் சேர்த்து நன்றி தெரிவித்திருக்க வாய்ப்புள்ளது.

• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்
• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'

• 
  நேரடியாக ஓடிடியில் வெளியாகும் கீர்த்தி சுரேஷ் படம்
• 
  22 ஆண்டு காத்திருப்பு : விஷ்ணு மஞ்சு நெகிழ்ச்சி
• 
  யாருக்கு யார் வில்லன்? மோகன்லால் மோகன்பாபு போட்டாபோட்டி
• 
  லண்டனில் கங்குலியுடன் சந்திப்பு ; பிரமித்து விலகாத நவ்யா நாயர்
• 
  'தி ராஜா சாப்' டீசர் : ஹிந்தி, தெலுங்கு பார்வைகளில் போட்டி