Dinamalar

கேங்கர்ஸ் Vs சுமோ - ரசிகர்கள் ஆதரவு யாருக்கு?

தமிழ்ப் புத்தாண்டு முதல் கோடை விடுமுறை ஆரம்பமாகிவிட்டது. அதற்கு சில நாட்கள் முன்பு வெளியான 'குட் பேட் அக்லி' வசூல் ரீதியாக நன்றாக ஓடிக் கொண்டிருக்கிறது. 200 கோடிக்கும் அதிகமான வசூலைப் பெற்றுள்ளது.

கடந்த வாரம் வெளியானவற்றில் முக்கியமான படம் என்றால் சிபிராஜ் நடித்து வந்த 'டென் ஹவர்ஸ்'. ஓரளவு சுமாரான விமர்சனங்கள் வந்தாலும், வசூலும் சுமார் தான். அப்படத்தை விடவும் விஜய் நடித்து ரீரிலீசான 'சச்சின்' குறிப்பிடத்தக்க வசூலைப் பெற்றுள்ளது என்கிறார்கள்.

இந்த வாரம் ஏப்ரல் 24ம் தேதி சுந்தர் சி, வடிவேலு கூட்டணியின் 'கேங்கர்ஸ்', அதற்கடுத்த நாள் எப்ரல் 25ம் தேதி சிவா, பிரியா ஆனந்த் நடித்துள்ள 'சுமோ' படமும் வெளியாக உள்ளது. இரண்டுமே நகைச்சுவைப் படங்கள்தான்.

நீண்ட இடைவெளிக்குப் பிறகு சுந்தர் சி, வடிவேலு மீண்டும் இணைந்துள்ளார்கள். அதனால், எதிர்பார்ப்புகள் இருக்கும். அவர்களின் டிரேட் மார்க் காமெடி பார்முலாவை வைத்திருந்தால் வெற்றி நிச்சயம்.

சிவா நாயகனாக நடித்து வந்த பல படங்களில் 'தமிழ்ப்படம்' மட்டுமே பெரிய வரவேற்பைப் பெற்றது. கடந்த வருடம் வெளிவந்த 'சூது கவ்வும் 2' படம் முதல் பாகத்தின் பெயரைக் கெடுத்ததுதான் மிச்சம்.

இந்த வாரம் அவர் நடித்து வெளியாக உள்ள 'சுமோ' படம் 2021லேயே வெளியாகியிருக்க வேண்டும். இத்தனை வருட தாமதத்திற்குப் பிறகு வெளிவருகிறது. 'பிப்ரவரி 14, ஆயிரம் விளக்கு' ஆகிய படங்களை இயக்கிய எஸ்பி ஹோசிமின் இயக்கியிருக்கிறார். 14 வருட இடைவெளிக்குப் பிறகு அவருடைய படம் ஒன்று வெளியாகிறது. இயக்குனர் ஷங்கரின் முன்னாள் உதவியாளர் இவர்.

நகைச்சுவைப் படங்களுக்குள் மோதல், ரசிகர்கள் யாருடைய நகைச்சுவைக்கு ஆதரவு தரப் போகிறார்களோ?

• செய்திகள்
• ஆல்பம்
• வந்த படங்கள்

• இவரை பற்றி
• செய்திகள்
• ஆல்பம்
• வந்த படங்கள்

• செய்திகள்
• வந்த படங்கள்

• செய்திகள்
• வீடியோ
• வந்த படங்கள்

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  ஹீரோவான கேஜேஆர் ஸ்டுடியோஸ் தயாரிப்பாளர் ராஜேஷ்! விளையாட்டு வீரராக ...
• 
  'தக்லைப்' படத்தில் எனது கேரக்டர் விமர்சிக்கப்படும்! - திரிஷா வெளியிட்ட ...
• 
  கேரளாவில் ஜெயிலர்-2 படப்பிடிப்பை முடித்துவிட்டு சென்னை திரும்பிய ரஜினி!
• 
  முழுக்க முழுக்க புதுமுகங்களை வைத்து படம் இயக்கும் மணிரத்னம்!
• 
  மீண்டும் தள்ளிப்போனது 'படை தலைவன்' ரிலீஸ்