Dinamalar

பிளாஷ்பேக்: எம்.ஜி.ஆர் நடிக்க விரும்பிய படத்தில் நடித்த ரஜினி

ரஜினி நடித்த 'அன்புள்ள ரஜினிகாந்த்' படம் பற்றி அனைவரும் அறிவர். ஆனால் இந்த படத்தில் முதலில் நடிக்க இருந்தது மக்கள் திலகம் எம்.ஜி.ஆர். படத்தின் தலைப்பு 'அன்புள்ள எம்ஜிஆர்'.

அந்த காலத்திய சினிமா கதாசிரியரும், தயாரிப்பாளர் அழகன் தமிழ் மணியும் நண்பர்கள். இருவரும் சேர்ந்து டில்லியில் நடந்த சர்வதேச திரைப்பட விழாவில் 'டச் ஆப் லவ்' என்ற படத்தை பார்த்தார்கள். எல்விஸ் பிரஸ்லி என்ற பிரபல பாப் பாடகரின் தீவிர ரசிகையாக ஒரு உடல் ஊனமுற்ற சிறுமி இருப்பார். இருவரும் ஒருவருக்கொருவர் சந்தித்து கொள்ள மாட்டார்கள். ஆனால் கடிதத்திலும், டெலிபோனிலும் பேசிக் கொள்வார்கள். இந்த சிறுமி இறப்பதற்கு முன்பாக எல்லிஸ் பிரஸ்லியை சந்திக்க விரும்புவாள். இருவரும் சந்திப்பார்கள். இப்படி நெகிழ்ச்சியான படம் இது.

இந்த படத்தை பார்த்த பிறகு இதே கதையை தமிழில் படமாக்க விரும்பிய இருவரும் அதற்கு எம்ஜிஆர் தான் சரியானவர் என்று முடிவு செய்து அவரை சந்தித்து கதை சொன்னார்கள். கதையை கேட்ட எம்ஜிஆர் பல காட்சிகளில் கண் கலங்கினார். அப்போது முதல்வராக இருந்தபோதும் சில காட்சிகளில்தானே நடிக்க வேண்டும் என்று நடிக்க ஒப்புக் கொண்டதோடு இது தொடர்பாக அமைச்சர் அரங்கநாயகத்திடம் பேசுங்கள் என்று கூறிவிட்டார்.

கதையை கேட்ட அரங்கநாயகம் படத்தை நானே தயாரிப்பதாக இருந்தால் எம்ஜிஆரை நடிக்க வைக்கிறேன் என்று கூறியுள்ளார். இதனை ஏற்க மறுத்த நண்பர்கள் இருவரும் இதே கதையை ரஜினியிடம் சொன்னார்கள். ரஜினி உடனே ஒப்புக்கொண்டார். படத்தின் தலைப்பும் 'அன்புள்ள ரஜினிகாந்த்' என்று மாற்றப்பட்டது. இந்த படத்தில் சம்பளம் எதுவும் பெறாமல் 10 நாட்கள் நடித்துக் கொடுத்தார் ரஜினி. படமும் வெற்றி பெற்றது. இந்த படத்தில் மீனா, ரஜினியை நேசிக்கும் சிறுமியாக நடித்திருந்தார். ரஜினி நண்பர் நட்ராஜ் இயக்கியிருந்தார்.

• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்

• 
  ரஜினியின் ‛கூலி' படத்தின் பத்து நாள் வசூல் வெளியானது!
• 
  பிளாஷ்பேக்: அபூர்வ கலைப் படைப்பாக வந்து, ஆச்சர்யமிகு வெற்றியைப் பதிவு ...
• 
  ‛பாகுபலி தி எபிக்' படம் குறித்து ராஜமவுலி வெளியிட்ட தகவல்!
• 
  சிவகார்த்திகேயனின் ‛மதராஸி' படத்தின் தியேட்டர் உரிமை குறித்த தகவல் ...
• 
  63வது பிறந்த நாளை கொண்டாடிய ராதிகா!