Dinamalar

எம்புரானை தெலுங்கில் ரீமேக் செய்ய முடியாது : மோகன்லால் ஓபன் டாக்

மோகன்லால் நடிப்பில் பிரித்விராஜ் இயக்கத்தில் உருவாகியுள்ள எம்புரான் திரைப்படம் இன்று (மார்ச் 27) வெளியாக இருக்கிறது. கடந்த 2019ல் பிரித்விராஜ் இயக்குனராக அறிமுகமாகி, மோகன்லாலை வைத்து இயக்கிய லூசிபர் படத்தின் இரண்டாம் பாகமாக இது உருவாகியுள்ளது. லூசிபர் திரைப்படம் வெளியான சமயத்தில் மற்ற மொழிகளில் அந்த படம் பெரிய அளவில் மொழிமாற்றம் செய்து வெளியாகவில்லை. அதனால் தெலுங்கில் நடிகர் சிரஞ்சீவி இந்த படத்தை காட்பாதர் என்கிற பெயரில் ரீமேக் செய்து நடித்தார். இயக்குனர் மோகன் ராஜா இந்த படத்தை இயக்கினார். மிகுந்த எதிர்பார்ப்புடன் வெளியான இந்த படம் மிகப்பெரிய தோல்வி படமாக அமைந்தது.

இந்த நிலையில் எம்புரான் தெலுங்கிலும் நேரடி தெலுங்கு படம் போல வெளியாக இருக்கிறது. அதேசமயம் லூசிபர் படத்தை ரீமேக் செய்தது போல எம்புரான் படத்தை தெலுங்கில் ரீமேக் செய்ய முடியாது என்று கூறியுள்ள மோகன்லால், சில காரணங்களையும் சமீபத்திய பேட்டி ஒன்றில் கூறியுள்ளார்.

இது குறித்து அவர் பேசும் போது, “காட்பாதர் படத்தை நானும் பார்த்தேன். ஆனால் அந்தப் படத்தில் தெலுங்கிற்காக சில மாற்றங்களை செய்திருந்தார்கள். லூசிபர் படத்தில் இடம்பெற்று இருந்த சில கதாபாத்திரங்கள் காட்பாதரில் இடம் பெறவில்லை. குறிப்பாக இந்த படத்தில் பிரதான கதாபாத்திரமாக முதல்வரின் மகனாக நடித்திருந்த டொவினோ தாமஸ் கதாபாத்திரம் தெலுங்கு ரீமேக்கில் இடம் பெறவில்லை. ஆனால் இப்போது எம்புரான் படத்தில் டொவினோ தாமஸ் கதாபாத்திரம் முக்கியத்துவம் கொடுத்து உருவாக்கப்பட்டுள்ளது. இதுபோன்று இன்னும் சில விஷயங்களால் எம்புரான் படத்தை தெலுங்கில் ரீமேக் செய்ய வாய்ப்பு இல்லை” என்று வெளிப்படையாகவே கூறியுள்ளார் மோகன்லால்.

• 
  'பேமிலிமேன்-3' வெப்சீரிஸ் நடிகர் நீர்வீழ்ச்சியில் விழுந்து மரணம்
• 
  சிறுநீர் குடித்தேன் - பரேஷ் ராவல் கருத்துக்கு டாக்டர்கள் எதிர்ப்பு
• 
  நடிகை ரன்யா ராவ் மீது காபிபோசா சட்டம் பாய்ந்தது ; ஒரு வருடத்திற்கு ஜாமின் ...
• 
  ஐஸ்வர்யா ராய் என்னை சிறுவனாக நினைத்ததில்லை : ரன்பீர் கபூர்
• 
  திருடனாக நடித்தது சுவாரஸ்யமாக இருந்தது : சைப் அலிகான்

• 
  அழகுக்காக அறுவை சிகிச்சையா : ரகுல் ப்ரீத் சிங் பதில்
• 
  ''அவுரங்கசீப்புக்கு 2 அறை கொடுக்க வேண்டும்'' ; சூர்யா பட விழாவில் விஜய் ...
• 
  'ஜன கன மன' 2ம் பாகம் இருக்கிறது ; உறுதிப்படுத்திய இயக்குனர்
• 
  ஜூலையில் திரைக்கு வரும் அனுஷ்காவின் காட்டி படம்
• 
  மகாராஜா படத்தின் இரண்டாம் பாகம் உருவாகிறது