Dinamalar

பிக்பாஸ் - கமல்ஹாசன், சுதீப் வழியில் நாகார்ஜுனா

ஹிந்தியில் சல்மான் கான் தொகுத்து வழங்கும் 'பிக்பாஸ்' டிவி நிகழ்ச்சி சூப்பர் ஹிட்டானது. அது போலவே தென்னிந்திய மொழிகளிலும் பிரபல நடிகர்களை வைத்து அந்த நிகழ்ச்சியை ஆரம்பித்தார்கள்.

தமிழில் கமல்ஹாசன், மலையாளத்தில் மோகன்லால், கன்னடத்தில் சுதீப், தெலுங்கில் நாகார்ஜுனா ஆகியோர் பல சீசன்களாக தொகுத்து வழங்கி வந்தார்கள்.

கமல்ஹாசன் கடந்த சீசனைத் தொகுத்து வழங்குவதிலிருந்து விலகினார். அவருக்குப் பதிலாக விஜய் சேதுபதி தொகுப்பாளராக இருந்தார். கமல் அளவுக்கு விஜய் சேதுபதி நிகழ்ச்சியை நடத்தவில்லை என்ற விமர்சனம் எழுந்தது.

கன்னடத்தில் ஜனவரியுடன் முடிந்து போன 11வது சீசனுடன் விலகுவதாக சுதீப் அறிவித்துவிட்டார். அடுத்த சீசனை யார் தொகுத்து வழங்கப் போகிறார்கள் என்பது வருடக் கடைசியில்தான் தெரியும்.

மலையாளத்தில் கடந்த 6 சீசன்களாக நடிகர் மோகன்லால் தான் தொகுத்து வழங்கி வருகிறார். தெலுங்கில் 3வது சீசன் முதல் முடிந்த 8வது சீசன் வரை நடிகர் நாகார்ஜுனா தொகுத்து வழங்கி இருந்தார். அடுத்து வர உள்ள 9வது சீசனைத் தொகுத்து வழங்குவதிலிருந்து விலக நாகார்ஜுனா முடிவெடுத்துள்ளதாகத் தகவல் வெளியாகி உள்ளது.

ஆரம்ப சில சீசன்கள் விறுவிறுப்பாக இருந்தன. போகப் போக அந்த நிகழ்ச்சி மீதான ஆர்வம் ரசிகர்களுக்குக் குறைந்துவிட்டது. இருந்தாலும் ஹிந்தி சீசன் மட்டும் 18 சீசன்களை வெற்றிகரமாகக் கடந்துள்ளது.

• 
  வட அமெரிக்காவில் கல்கி 2898 ஏடி படத்தின் வசூல் சாதனையை முறியடித்த துரந்தர் 2
• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு

• 
  பவழ மல்லி Vs முட்டை கலக்கி - 'யூத்'களுக்குள் கடும் போட்டி
• 
  தோழிகளுடன் பால் விளையாடி கையை முறித்துக் கொண்ட யாஷிகா
• 
  பேஷஸ் ஆப் கர- தனுஷின் கர படத்தின் முன்னோட்ட வீடியோ வெளியீடு
• 
  அண்ணன் வாரிசுகளின் பட பூஜைக்கு வந்து வாழ்த்திய பவன் கல்யாண்
• 
  முன்னணி இயக்குனர்களின் வாட்ஸ் ஆப் குழு ‛ரெய்னா' : அர்த்தம் தெரியுமா?