Dinamalar

சர்ச்சையை கிளப்பிய நானியின் டாட்டூ வார்த்தை

தெலுங்கில் நானியின் நடிப்பில் அடுத்து மிகவும் எதிர்பார்க்கப்படும் படமாக உருவாகி வருகிறது ‛தி பாரடைஸ்'. ஸ்ரீகாந்த் ஓட்டேலா இயக்கத்தில் உருவாகி வரும் இந்த படத்தின் டீசர் நேற்றைய தினம் வெளியானது. இந்த படம் தெலுங்கையும் தாண்டி தென்னிந்திய மொழிகள், ஹிந்தி, பெங்காலி, ஆங்கிலம் மற்றும் ஸ்பானிஷ் உள்ளிட்ட மொழிகளிலும் வெளியாக இருக்கிறது. அதேசமயம் தெலுங்கில் காட்சிகளை எடுத்துவிட்டு அப்படியே மொழிமாற்றம் செய்யாமல் அந்தந்த மொழிக்கு ஏற்றபடி காட்சிகளை எடுத்துள்ளனர் என்று தெரிகிறது.

அப்படி நேற்று வெளியான டீசரில் தண்ணீருக்குள் இருந்து வெளிவரும் நானியின் கையில் சில எழுத்துக்கள் டாட்டூவாக பொறிக்கப்பட்டுள்ளன. அது ஒருவரின் தாயைப் பற்றி கூறும் தவறான வார்த்தை. இந்த வார்த்தை தமிழிலும், மலையாள டீசரில் மலையாளத்திலும் என அந்தந்த மொழிக்கு ஏற்றபடி எழுதப்பட்டிருந்தது.

கதாநாயகனின் பிறப்பு குறித்து தவறாக பேசும் இந்த வார்த்தையை இப்படி அப்பட்டமாக வெளிப்படுத்தியதற்காக இந்த டீசரை பார்த்துவிட்டு ரசிகர்கள் பலரும் தங்களது அதிருப்தியை வெளிப்படுத்தி வருகின்றனர். டீசர் சென்சார் செய்யப்படாமல் வெளியானதால் நேரடியாகவே இந்த வார்த்தையை படக்குழுவினர் பயன்படுத்தி உள்ளார்கள் என்று தெரிகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  புதிய ஆரம்பம் - நடிகர் கிருஷ்ணா இரண்டாவது திருமணம்
• 
  பிரித்விராஜ் படத்திலிருந்து நீக்கப்பட்டேன் ; ஜோஜூ ஜார்ஜ்
• 
  மகளுக்கு டைட்டில் கார்டில் இடம் கொடுத்த மணிரத்னம் ; நன்றி சொன்ன குஷ்பு
• 
  இந்தியன் 2 படத்தை விட குறைவாக வசூலித்த தக் லைப்
• 
  மீண்டும் தள்ளிப் போகும் 'ஹரிஹர வீர மல்லு'