பிளாஷ்பேக் : மணிவண்ணனை காப்பாற்றிய ஜோதி

22 பிப், 2025 - 10:57 IST

0 கருத்துகள் கருத்தைப் பதிவு செய்ய

எழுத்தின் அளவு:

பாரதிராஜாவிடம் உதவியாளராக இருந்த மணிவண்ணன் 'கோபுரங்கள் சாய்வதில்லை' படத்தின் மூலம் இயக்குனர் ஆனார். அதன்பிறகு பல வெற்றி படங்களை இயக்கினார். 100க்கும் மேற்பட்ட படங்களில் நடித்தார். அவர் இயக்கத்தில் வெளிவந்த கோபுரங்கள் சாய்வதில்லை படத்தின் மிகப்பெரிய வெற்றியே அவரது வளர்ச்சிக்கு மூல காரணமாக இருந்தது. ஆனால் அவரது முதல் படம் ‛கோபுரங்கள் சாய்வதில்லை' அல்ல.

இந்தப் படத்திற்கு முன்பே அவர் இயக்கி முடித்த படம் 'ஜோதி'. இதில் மோகன், அம்பிகா, சத்யஜித், சில்க் ஸ்மிதா, கவுண்டமணி, வினு சக்கரவர்த்தி உள்பட பலர் நடித்திருந்தார்கள்.

ஒரு கிராமத்திற்கு நாடகத்தில் நடிக்க வரும் ஹீரோ அந்த கிராமத்தில் டீக்கடை நடத்தும் பெண்ணை காதலிப்பது தான் கதை. எந்த எதிர்ப்பும் இல்லாத இவர்கள் காதலுக்கு செயற்கையாக பல காரணங்களை காட்டி திரைக்கதை அமைக்கப்பட்டு இருந்ததால் படம் படுதோல்வி அடைந்தது. இளையராஜாவின் இசையும் பெரிதாக ஈர்க்கவில்லை. இந்தப் படத்தின் தயாரிப்பாளருக்கு ஏற்பட்ட பண பிரச்னைகள் காரணமாக படம் வெளியாகாமல் இருந்து இரண்டாவது படமாக தாமதமாக வெளியானது.

இந்தப் படம் மணிவண்ணனுக்கு முதல் படமாக அமைந்திருந்தால் அவரது எதிர்காலம் கேள்விக்குறியாகவே இருந்திருக்கும். ஜோதி படம் தான் அவரது வெற்றிக்கு வழி விட்டு கோபுரங்கள் சாய்வதில்லை படத்தை முதல் படமாக கொடுத்தது.

Manivannan

Jothimovie

கருத்துகள் (0) கருத்தைப் பதிவு செய்ய

பிளாஷ்பேக் : காஷ்மீர் இயக்குனரின் ...

'ராபர்' படத்தில் உண்மை சம்பவம்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய