Dinamalar

குணச்சித்திர நடிகையுடன் பார்வதி நேருக்கு நேர் கருத்து மோதல்

மலையாள திரையுலகில் சில வருடங்களுக்கு முன்பு நடிகை ஒருவர் காரில் கடத்தப்பட்டு பாலியல் ரீதியாக துன்புறுத்தப்பட்ட நிகழ்வு அதிர்ச்சியை அளித்தது. இதனையடுத்து மலையாள திரையுலகில் பெண்களுக்கு பாதுகாப்பு இல்லை எனக் கூறி பார்வதி, ரேவதி, ரீமா கல்லிங்கல், ரம்யா நம்பீசன், கீத்து மோகன்தாஸ் உள்ளிட்ட பல நடிகைகள் ஒன்று சேர்ந்து சினிமா பெண்கள் நல அமைப்பு (WCC) ஒன்றைத் துவங்கினார்கள். இதன் மூலம் அவ்வப்போது சினிமாவில் பாதிக்கப்படும் பெண்களுக்காக குரல் கொடுத்து வந்தார்கள். இவர்கள் கொடுத்த அழுத்தம் காரணமாக தான் கேரள அரசு நீதிபதி ஹேமா கமிஷன் தலைமையிலான குழுவை அமைத்து அறிக்கை தயாரிக்க செய்தது.

சமீபத்தில் கேரளாவில் நடைபெற்ற கலாச்சார நிகழ்வு ஒன்றில் நடிகை பார்வதி கலந்து கொண்டார். அதே நிகழ்வில் டப்பிங் கலைஞரும் குணச்சித்திர நடிகையுமான பாக்கியலட்சுமியும் கலந்து கொண்டார். இவரும் சினிமாவில் இருக்கும் பெண்களுக்காக குரல் கொடுத்து வருபவர் தான். இந்த நிகழ்வில் பாக்யலட்சுமி பேசும்போது, “சினிமா பெண்கள் நல அமைப்பு இன்னும் வலுவாக பெண்களுக்காக குரல் கொடுக்க வேண்டும். இன்னும் ஆக்டிவாக செயல்பட வேண்டும். பெண்களுக்கு இன்னும் பாதுகாப்பு தர முன்வர வேண்டும்” என்று கூறினார்.

அதற்கு பதில் அளித்து பேசிய பார்வதி, “இவ்வளவு பேசுகின்ற பாக்யலட்சுமி ஏன் சினிமா பெண்கள் நல அமைப்பில் சேர்ந்து பெண்களுக்காக போராடக்கூடாது ? அவரை யார் தடுத்தது? நாங்கள் பலமுறை அவரை தொடர்பு கொண்டோம். ஆனால் அவர் தான் வர மறுத்துவிட்டார்” என்று கூற, அரங்கில் இருந்தவர்கள் பார்வதியின் இந்த பதிலுக்கு கைதட்டி ஆரவாரம் செய்தார்கள்.

இதனால் அதிர்ச்சியான பாக்யலட்சுமி, “நான் பெண்கள் பாதுகாப்பு விஷயம் குறித்து அமைச்சரிடம் பேச வேண்டும் என நினைத்தேன். ஆனால் அதன் பிறகு ஒரு தொலைக்காட்சியில் பார்த்தபோது தான் இவர்கள் (WCC) அமைச்சரிடம் பேசி விட்டார்கள் என தெரிய வந்தது. நான் என்னை ஏன் அழைக்கவில்லை, உங்கள் வட்டத்தில் இருக்கும் சிலரை மட்டும் அழைத்துக் கொண்டீர்கள் என கேட்டதற்கு உங்களை இதில் இழுப்பதற்கு விருப்பமில்லை என்று பதில் கூறினார்கள். என்னை நீங்கள் விரும்பவில்லை என்றால் தாராளமாக என்னை வெளியேவே நிற்க வைத்து விடலாம்” என்று கூறினார்.

சினிமாவில் பெண்களுக்காக குரல் கொடுக்கும் இருவரும் எதிரெதிராக பேசிக் கொண்டது மலையாள திரையுலகில் பரபரப்பை ஏற்படுத்தியுள்ளது.

• 
  என் முடிவை நானே தான் எடுக்கிறேன் - ஜுனைத் கான் பேட்டி
• 
  தனுஷிற்கு ஜோடி கிர்த்தி சனோன் : அதிகாரப்பூர்வ அறிவிப்பு
• 
  சர்ச்சைக்குரிய நடன காட்சி நீக்கம் : அமைச்சரின் எதிர்ப்புக்கு பணிந்த ...
• 
  அசத்தல் கிளாமரில் ஆலியா பட் : வைரலாகும் போட்டோ, வீடியோ
• 
  'தி இந்தியா ஸ்டோரி' படப்பிடிப்பு துவங்கியது : சொல்லப்படாத கதை என்கிறார் ...

• 
  டென் ஹவர்ஸ் குறித்து இயக்குனர் பகிர்ந்த தகவல்
• 
  கமல் கட்சியில் இருந்து விலகியது ஏன்?: வினோதினி விளக்கம்
• 
  இன்னும் பெரிய ஸ்டார் நடிகர் ஆகாதது ஏன் : சித்தார்த் விளக்கம்
• 
  அமரனை போலவே பராசக்தி படமும் பயோபிக் கதை தான்
• 
  'பராசக்தி' டைட்டிலை விட்டுக்கொடுக்கும் விஜய்ஆண்டனி?