Dinamalar

உருவாகிறது 'தமிழ்படம் 3': உறுதிப்படுத்திய சிவா

தமிழ் சினிமாவில் எத்தனையோ நகைச்சுவை படங்கள் வெளியாகி இருந்தாலும் சிஎஸ் அமுதன் இயக்கத்தில் மிர்ச்சி சிவா, சதீஸ் ஆகியோர் நடிப்பில் 2010ல் வெளியான 'தமிழ்படம்' திரைப்படத்திற்கு என்று தனி ரசிகர்கள் கூட்டமே உள்ளது. அந்த அளவிற்கு இந்த திரைப்படம் ரசிகர்களை வயிறு குலுங்க குலுங்க சிரிக்க வைத்தது. தமிழ் சினிமாவில் வந்த படங்களின் காட்சிகளை நகைச்சுவையுடன் கிண்டலடித்து கதையாக ரசிக்க வைத்ததால் வரவேற்பை பெற்றது.

இதன் 2வது பாகம் அதேபாணியில் எடுக்கப்பட்டு 2018ல் வெளியானது. இது சுமாரன வரவேற்பையே பெற்றது. ஆனாலும், மற்ற படங்களை கிண்டலடிக்கும் வகையிலான காட்சிகளை இப்படங்களில் புகுத்தியிருப்பது பலரை ரசிக்க வைத்தது. இதன் 3வது பாகம் எப்போது வெளியாகும் என இயக்குனர் சிஎஸ் அமுதனிடம் ரசிகர்கள் கேட்டு வந்த நிலையில், 2023ல் விஜய் ஆண்டனியை வைத்து 'ரத்தம்' எனும் படத்தை இயக்கியிருந்தார்.

இந்த நிலையில், 'தமிழ்படம் 3' படம் உருவாக இருப்பதை நடிகர் சிவா உறுதிப்படுத்தியுள்ளார். சமீபத்தில் அவர் கூறுகையில், ''தமிழ்படம் 3 படம் குறித்து 'ஒய் நாட்' தயாரிப்பு நிறுவனத்தின் ஸ்ரீகாந்த்தை சந்தித்து பேசியுள்ளோம். கிட்டத்தட்ட 2 மணிநேரத்திற்கு மேலாக பேசி, 2025ல் தமிழ்படம் 3 எடுக்க முடிவுசெய்துள்ளோம். ஒரு கதை எழுதி படம் பண்ணுவது நார்மல். ஆனால், 100 படங்களை பார்த்து கதை எழுதுவது சவாலான விஷயம்'' எனக் கூறியுள்ளார் சிவா.

• செய்திகள்
• வந்த படங்கள்

• வந்த படங்கள்
• வரவிருக்கும் படங்கள்

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  ஹரி ஹர வீரமல்லுவுக்காக 5 ஆண்டுகள் வேறு படங்களில் நடிக்காத நிதி அகர்வால்
• 
  மோசடி வழக்கை சட்டப்படி சந்திப்பேன் : சாம் சி.எஸ்
• 
  பூமிகா ஆசை நிறைவேறுமா?
• 
  ஜெயிலர் 2வில் மோகன்லால் இருக்கிறாரா?
• 
  விஜய் தரப்பின் பிரஷரால் வேகம் எடுக்கும் 'ஜனநாயகன்'