Dinamalar

பெண்களின் பாதுகாப்பை வலியுறுத்தும் பேபி ஜான்: அட்லி

அட்லி இயக்கத்தில் விஜய் நடித்த 'தெறி' படம் ஹிந்தியில் 'பேபி ஜான்' என்ற பெயரில் ரீமேக் ஆகிறது. இதில் விஜய் நடித்த கேரக்டரில் வருண் தவான் நடிக்கிறார். அவருக்கு ஜோடியாக கீர்த்தி சுரேஷ் நடிக்கிறார். இவர்களுடன் வாமி கவுதம், ஜாக்கி ஷெராப் உள்ளிட்ட பலர் நடிக்கிறார்கள். தமன் இசை அமைக்கிறார், கிரன் கவுசிக் ஒளிப்பதிவு செய்கிறார். கலீல் இயக்குகிறார். படம் வருகிற டிசம்பர் 25ம் தேதி வெளிவருகிறது.

நேற்று நடந்த புரமோஷன் நிகழ்ச்சியில் வருண் தவான் பேசும்போது “பேபி ஜானின் ஒரு பகுதியாக இருப்பதில் நான் மகிழ்ச்சியடைகிறேன். இந்த படம் ஒரு ஆழமான உணர்ச்சி மற்றும் சக்திவாய்ந்த பயணமாகும், மேலும் இந்த கதாபாத்திரத்திற்கு உயிர் கொடுப்பது ஒரு நம்பமுடியாத அனுபவமாகும். டிரைலர் இந்தக் கதையின் தீவிரம் மற்றும் இதயத்தின் ஒரு பார்வையை வழங்குகிறது, இந்த திட்டத்தில் பணிபுரிவது உண்மையிலேயே சிறப்பு வாய்ந்தது, அதை அனைவருடனும் பகிர்ந்து கொள்வதில் நான் மிகவும் மகிழ்ச்சியடைகிறேன்” என்றார்.

தயாரிப்பாளர் அட்லி பேசும்போது "பேபி ஜான் மிக முக்கியமான மற்றும் காலத்துக்கு ஏற்ற விஷயத்தை பேசும் படம். இது மிகவும் பொழுதுபோக்கிற்குரிய குடும்பப் படமாக இருந்தாலும், பெண்களின் பாதுகாப்பு போன்ற முக்கியமான பிரச்னைகளை முன்னிலைப்படுத்துகிறது. ஒரு நல்ல தந்தைக்கும் கெட்ட தகப்பனுக்கும் இடையே உள்ள வேறுபாட்டை சித்தரித்து, நல்ல பெற்றோர் எப்படி ஒரு சிறந்த சமுதாயத்தை வடிவமைக்க முடியும் என்பதை சொல்கிற படம். இதை தயாரிப்பது எனக்கு பெருமையானது” என்றார்.

• 
  டிச., 8ல் துவங்கும் சூர்யா 47 பட படப்பிடிப்பு
• 
  தயாரிப்பாளர் சங்கத் தேர்தலில் கடும் போட்டி
• 
  ஏகனுக்கு ஜோடியாக இரண்டு நாயகிகள்
• 
  ஒரு வாரம் தள்ளிப்போகும் ‛வா வாத்தியார்'
• 
  தனுஷ், அவரது மேலாளர் பற்றிய சர்ச்சை : முற்றுப்புள்ளி வைத்த மான்யா ஆனந்த்

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி