Dinamalar

பொங்கலுக்கு 'விடாமுயற்சி' : வேறு படங்கள் வெளிவருமா?

2024ம் ஆண்டு இன்னும் ஒரே மாதத்தில் முடிவுக்கு வர இருக்கிறது. வரும் டிசம்பர் மாதத்தில் 'விடுதலை 2' உள்ளிட்ட ஒரு சில முக்கிய படங்கள்தான் வெளியாக உள்ளன. அதற்கடுத்து பண்டிகை நாளாக 2025ல் பொங்கல் நாளில்தான் பெரிய படங்கள் வெளிவரும்.

பொங்கலுக்கு சில படங்கள் வெளியாகும் என ஏற்கெனவே தகவல்கள் வெளியாகி இருந்தன. ஆனால், தற்போது அவற்றில் சில மாற்றங்கள் வெளிவர வாய்ப்பிருக்கிறது. அஜித் நடித்து வரும் 'விடாமுயற்சி' படம் பொங்கல் வெளியீடு என அறிவிக்கப்பட்டுள்ளதே அதற்குக் காரணம்.

நேற்றிரவு 'விடாமுயற்சி' படத்தின் டீசரை திடீரென வெளியிட்டு, அதில் கடைசியில் படத்தின் வெளியீடு பற்றியும் குறிப்பிட்டுள்ளார்கள். இந்தப் படம் பொங்கலுக்கு வருமா அல்லது அஜித் நாயகனாக நடித்து வரும் மற்றொரு படமான 'குட் பேட் அக்லி' வருமா என்ற குழப்பம் இருந்து வந்தது. அது இப்போது தெளிவாகிவிட்டது.

அஜித் நடித்து கடைசியாக கடந்த வருடம் 2023 பொங்கலுக்கு 'துணிவு' படம் வந்தது. இந்த வருடம் எந்தப் படமும் வெளியாகவில்லை. சுமார் இரண்டு வருட இடைவெளிக்குப் பிறகு அஜித் நடிக்கும் படம் வருவதால் தமிழகத்தில் அப்படம் அதிகத் தியேட்டர்களில் வெளியாகும். அதனால் மற்ற படங்களுக்குத் தியேட்டர்கள் கிடைப்பதில் சிரமம் இருக்கும்.

ஷங்கர் இயக்கத்தில் ராம் சரண் நடிப்பில் உருவாகியுள்ள 'கேம் சேஞ்சர்' படம் தமிழிலும் டப்பிங் ஆகி ஜனவரி 10ம் தேதி வெளியாக உள்ளதாக அறிவிக்கப்பட்டுள்ளது. அப்படத்திற்குக் கூட தமிழகத்தில் அதிக தியேட்டர்கள் கிடைக்க வாய்ப்பில்லை.

• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'

• 
  'குபேரா, சிதாரே ஜமீன் பர், டிஎன்ஏ' படங்களின் முதல் நாள் வசூல் எவ்வளவு?
• 
  'கூலி' படத்தை கைப்பற்றிய நாகார்ஜூனா!
• 
  'தி ராஜா சாப்' படத்தில் சம்பளம் வாங்காமல் நடித்துள்ள பிரபாஸ்!
• 
  ஹரிஷ் கல்யாணுக்கு ஜோடியாகும் மலையாள நடிகை!
• 
  வெற்றிமாறனுக்கு பதிலாக மலையாள இயக்குனர்.. சூர்யாவின் அதிரடி முடிவு!