Dinamalar

'அமரன்' வெற்றி, விஜய் 'துப்பாக்கி' கொடுத்த அதிர்ஷ்டமா?

தமிழ் சினிமாவில் டாப் வசூல் நடிகர்களில் ரஜினிகாந்த், விஜய், அஜித், கமல்ஹாசன் என்ற வரிசைதான் இருக்கிறது. மற்றவர்கள் அதற்குப் பிறகே. விஜய் அடுத்து நடிக்க உள்ள படத்துடன் சினிமாவை விட்டு விலகி முழுநேர அரசியலில் ஈடுபட உள்ளார். அதனால், அவருடைய இடத்திற்கு யார் வருவார்கள் என்பது குறித்து அவரது 'சினிமா ரிட்டயர்மென்ட்' அறிவிப்புக்குப் பிறகே ஆரம்பமாகிவிட்டது.

விஜய் நடித்து வெளிவந்த 'தி கோட்' படத்தின் கிளைமாக்சில் விஜய் அவரிடமிருந்த துப்பாக்கியை சிவகார்த்திகேயனிடம் கொடுத்து 'துப்பாக்கிய புடிங்க சிவா' என்று வசனம் பேசியிருப்பார். விஜய்க்கு அடுத்து சிவகார்த்திகேயன்தான் என விஜய்யே முடிவு செய்துவிட்டார் என படம் வெளிவந்த போது பரபரப்பாகப் பேசினார்கள். அதனால், மற்ற நடிகர்களின் ரசிகர்களும் இது பற்றி நிறையவே கமெண்ட் செய்தார்கள்.

ஆனால், சிவகார்த்திகேயன் நடித்து நேற்று முன்தினம் வெளிவந்த 'அமரன்' படத்தின் முதல் நாள் வசூலே 42 கோடி என வந்தது. நேற்றைய வசூல் நிச்சயம் 50 கோடி வந்திருக்கலாம் என்று தகவல். இன்றைய வசூல், நாளைய வசூல் ஆகியவை சேர்த்தால் 200 கோடியை நான்கே நாட்களில் நெருங்கும் வாய்ப்புள்ளது.

இதனால், விஜய் ரசிகர்கள் பலரும் விஜய்யிடமிருந்து சிவகார்த்திகேயன் துப்பாக்கியை வாங்கிய அதிர்ஷ்டம் 'அமரன்' படம் அமோகமாக வசூலிக்கிறது என்று பேச ஆரம்பித்துவிட்டார்கள். ராணுவ அதிகாரியாக, விஜய் துப்பாக்கியைத் தூக்கி சண்டை போட்ட 'துப்பாக்கி' படம் அவருக்குத் திருப்புமுனையாக அமைந்து முதல் 100 கோடியை வசூலித்துத் தந்தது. அது போலவே 'அமரன்' படத்திலும் சிவா, ராணுவ அதிகாரியாக நடித்து துப்பாக்கியைத் தூக்கி சண்டை போட்டுள்ளார் என இரண்டு படத்துக்கும் 'கனெக்ட்' செய்து பேசி வருகிறார்கள்.

எப்படியெல்லாம் யோசிக்கிறாங்கப்பா….'துப்பாக்கி' படத்தை விடவும் 'அமரன்' வசூல் போகப் போக அதிகமாக வரும் என்பதே பாக்ஸ் ஆபீஸ் தகவல்.

• 
  ''மனைவியின் பேச்சை கேளுங்க'': கணவன்மார்களுக்கு அட்வைஸ் செய்த அபிஷேக் ...
• 
  நடிப்புக்கு முழுக்கா?: நடிகர் விக்ராந்த் மாஸே திடீர் 'பல்டி'
• 
  சைப் அலிகான் - நிகிதா தத்தா நடித்த ‛ஜூவல் தீப்' படப்பிடிப்பு நிறைவு
• 
  கடைசி நேரத்தில் சன்னி லியோன் வருகைக்கு தடை போட்ட போலீசார் ; ரசிகர்கள் ...
• 
  அபிஷேக் பச்சன் விஷயத்தில் ஐஸ்வர்யா ராய் ஏற்படுத்திய குழப்பம் ; ...

• 
  தொடர்ந்து குத்து பாடல் வாய்ப்பு - மறுக்கும் தமன்னா
• 
  உண்மையிலேயே பஹத் பாசிலுக்கு தான் அந்த தைரியம் உண்டு : நடிகை ஊர்வசி ...
• 
  மூன்றாவது முறையாக ஜோடி சேரும் விஜய் தேவரகொண்டா, ராஷ்மிகா
• 
  பெஞ்சல் புயல் : ரூ.10 லட்சம் நிவாரண நிதி வழங்கிய சிவகார்த்திகேயன்
• 
  சூர்யா 45வது பட படப்பிடிப்பில் இணைந்தார் த்ரிஷா