Dinamalar

பிளாஷ்பேக்: தமிழ் சினிமாவின் முதல் கவர்ச்சி நடிகை

சேலத்தை சேர்ந்த தொழிலதிபர் சுந்தரம், வெளிநாட்டில் சினிமா பற்றி படித்து தமிழகம் திரும்பிய பிறகு சேலத்தில் 'மார்டன் தியேட்டர்' நிறுவனத்தை தொடங்கினார். பிரமாண்ட ஸ்டூடியோ கட்டினார். அந்த ஸ்டூடியோவில் உருவான முதல் படம் 'சதி அகல்யா', இந்த படத்தில் அகல்யாவாக நடிப்பதற்கு இலங்கையில் இருந்து அழைத்து வரப்பட்ட நடிகை தவமணி தேவி.

படம் தொடர்பாக பத்திரிகையாளர்களை சந்தித்த சுந்தர், தான் அறிமுகப்படுத்தும் தவமணி தேவி 'சதி அகல்யா'வில் நடிக்கிறார் என்று கூறிவிட்டு அவரை அறிமுகப்படுத்தினார். அவரும் ஆங்கிலத்தில் பாடல் பாடினார், ஆங்கிலத்தில் பேசினார். இறுதியாக தவமணி தேவியின் புகைப்படங்கள் பத்திரிகையாளர்களுக்கு கொடுக்கப்பட்டது. அதை பார்த்த பத்திரிகையாளர்களுக்கு அதிர்ச்சி. காரணம் அதில் தவமணி தேவி நீச்சல் உடையில் இருந்தார்.

முதல் படம் வெளிவருவதற்கு முன்பே கவர்ச்சி நடிகையாக பிரபலமானார் தவமணி தேவி. 1941ல் வெளிவந்த வனமோகினியும் பெரும் வெற்றி பெற்றது. இப்படத்தில் இவர் அணிந்த, ஹவாய் நாட்டுப் பாணியிலான உடை, கவர்ச்சிக்கன்னி என்கிற பட்டத்தை அளிக்க காரணமாக அமைந்தது. சிறந்த குரல் வளம் கொண்டவர் இவர். அதனால், “சிங்களத்துக் குயில்” என அழைக்கப்பட்டார்.

'சீதா ஜனனம்' என்ற படத்தில் சீதை பாத்திரத்தில் கதாநாயகியாக நடித்தார். தொடர்ந்து, 'வித்யாபதி' படத்தில் 'தேவதாசி மோகனாம்பாள்' என்ற வேடத்தில் நடித்தார். இந்தத் திரைப்படத்தில் மேற்கத்திய பாணியிலான இவரது நடனங்களும் பாடல்களும் பெரும் வரவேற்பைப் பெற்றன.

1947ல் வெளிவந்த 'ராஜகுமாரி' படத்தில் எம்.ஜி.ஆருடன் இணைந்து நடித்தார். இது இவருக்கு பெரும் புகழையும் வெற்றியையும் ஈட்டிக் கொடுத்தது. 1962ம் ஆண்டில் ராமேசுவரத்தைச் சேர்ந்த கோடிலிங்க சாஸ்திரி என்பவரை காதலித்து மணந்து கொண்டார். திருமணத்திற்கு பிறகு திரைப்படத் துறையை விட்டு முற்றாக விலகி ஆன்மிகத்தில் அதிக நாட்டம் செலுத்தினார். ராமேசுவரத்தில் தனது இறுதிக் காலத்தைக் கழித்த அவர் தனது 76வது வயதில் 2001ல் காலமானார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா