Dinamalar

‛இது தான் இந்திய ராணுவத்தின் முகம்' : அமரன் டிரைலர் வெளியீடு

ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடிப்பில் உருவாகியுள்ள படம் அமரன். ஜி.வி.பிரகாஷ் குமார் இசையமைத்துள்ளார். கமலின் ராஜ்கமல் பிலிம்ஸ் மற்றும் சோனி நிறுவனம் இணைந்து தயாரித்துள்ளனர். வீர மரணம் அடைந்த இந்திய ராணுவ மேஜர் முகுந்த் வரதராஜன் வாழ்க்கை வரலாற்றை மையமாக வைத்து இந்த படத்தை உருவாக்கி உள்ளனர். அக்.,31ம் தேதி தீபாவளிக்கு திரைக்கு வரும் இந்த படத்தின் பாடல்கள் சமீபத்தில் வெளியானது. இந்த நிலையில் படத்தின் டிரைலர் இன்று(அக்., 23) மாலை 6 மணிக்கு வெளியானது.

2:20 நிமிடம் ஓடக்கூடிய இந்த டிரைலர் 'அச்சமில்லை அச்சமில்லை அச்சம் என்பது இல்லையே' என முகுந்த் வரதராஜன், அவரது மகளுடன் கூறும் வீடியோவாக துவங்கி அப்படியே சிவகார்த்திகேயனாக மாறுகிறது. இந்திய ராணுவத்தில் முகுந்த் ஆன சிவகார்த்திகேயன் சேர்வது, ராணுவம் மீதான அவரது காதல், நாட்டுப்பற்று, காஷ்மீர் எல்லையில் பயங்கரவாதிகள் உடனான மோதல், மனைவி இந்து ரெபாகா வர்கீஸாக வரும் சாய் பல்லவி மீதான காதல், குடும்பம் என இந்த டிரைலர் விரிகிறது.

ராணுவ வீரராக சிவகார்த்திகேயன் டிரைலரில் கெத்து காட்டுகிறார். ‛‛ஆர்மி என் ஜாப் இல்ல, என் லைப், இது தான் இந்திய ராணுவத்தின் முகம், ராணுவ வீரராகவும், ராணுவ வீரரின் மனைவியாகவும் இருப்பதும் பெருமை...' போன்ற வசனங்களும், படத்தின் காட்சி அமைப்புகளும், ராணுவ சண்டைக் காட்சிகளும் ரியலாக இருப்பது போன்றும் தெரிவது ரசிகர்களை கவர்ந்துள்ளன.

‛அமரன்' படத்தை பான் இந்தியா படமாக வெளியிட உள்ளனர். அதனால் இதன் டிரைலரையும் தமிழ் மட்டுமல்லாது மலையாளம், தெலுங்கு, ஹிந்தி ஆகிய மொழிகளிலும் வெளியிட்டுள்ளனர்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா