Dinamalar

பிளாஷ்பேக்: 2 வருடத்திற்கு பிறகுதான் ரஜினிக்கு 'சூப்பர் ஸ்டார்' அங்கீகாரம்

1978ம் ஆண்டு வெளியான 'பைரவி' படத்தில் ரஜினி சோலோ ஹீரோவாக நடித்தார். அந்த படங்களின் விளம்பரங்களில் அப்போது விநியோகஸ்தராக இருந்த தயாரிப்பாளர் தாணு தனது விளம்பரங்களில் ரஜினிக்கு 'சூப்பர் ஸ்டார்' என்ற பட்டம் கொடுத்து விளம்பரம் செய்தார். தியேட்டரில் வாசலில் ரஜினிக்கு 50 அடி உயர கட் அவுட் வைத்தார்.

அதற்கு பிறகு ரஜினி நடித்த படங்களின் விளம்பரத்தில் ஆங்காங்கே சூப்பர் ஸ்டார் என்று குறிப்பிட்டார்கள். ஆனால் 1980ம் ஆண்டு வெளிவந்த 'நான் போட்ட சவால்' என்ற படத்தின் டைட்டில் கார்டில்தான் முதன் முறையாக 'சூப்பர் ஸ்டார்' என்ற பட்டத்தை போட்டார்கள். சென்சார் சான்றிதழ் முடிந்த உடனேயே ரஜினி ஸ்டைலாக நடந்து வரும்போது பல வண்ண எழுத்துக்களில் சூப்பர் ஸ்டார் என்று பல முறை இடம்பெறச் செய்து பிறகே ரஜினி என்று குறிப்பிட்டார்கள்.

இந்த படத்தை புரட்சிதாசன் என்பவர் இயக்கினார். ரஜினி ஜோடியாக ரீனா நடித்திருந்தார். எம்.ஆர்.ராதா தலைமையிலான வில்லன் கூட்டம் தங்களுக்கு எதிராக தீர்ப்பு சொன்ன நீதிபதியை கொல்கிறது. நீதிபதியின் மகன்கள் தப்பிக்கிறார்கள். அவர்களில் மூத்தவரான ரஜினி வளர்ந்து தந்தையை கொன்றவர்களை பழிவாங்க கிளம்புகிறார். தம்பியான மனோஜ் என்ற நடிகர் போலீஸ் அதிகாரியாகி அண்ணனை பிடிக்க கிளம்புகிறார். இறுதியில் என்ன நடக்கிறது என்பதுதான் படத்தின் கதை. இந்த படம் வெற்றி பெறவில்லை.

• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா

• 
  ரஜினியின் 'ஜெயிலர்-2' ரிலீஸ் ஜூனிலிருந்து ஆகஸ்ட்டுக்கு மாறுகிறது!
• 
  சென்னையில் சீர்காழி கோவிந்தராஜன் பெயரில் சாலை
• 
  எம்ஜிஆரின் 'இதயக்கனி' படத்தை பார்த்த எடப்பாடி பழனிசாமி
• 
  ராஜமவுலி படத்தை அடுத்து சந்தீப் ரெட்டி வங்கா படத்தில் நடிக்கும் மகேஷ் ...
• 
  திருமணத்திற்கு 10 நாளே இருக்கும் நிலையில் ஹிந்தி படத்திலிருந்து ...