சினிமா துறை நாறிப் போய் உள்ளது : சனம் ஷெட்டி கோபம் | பேட் மேன் பட நடிகர் வால் கில்மர் காலமானார் | குட் பேட் அக்லி படத்தின் ரன்னிங் டைம் வெளியானது | 29 வயதா.... நம்பமுடியவில்லை என்கிறார் ராஷ்மிகா | ஹிப் ஹாப் ஆதியின் படத்தை இயக்கும் ஜோ இயக்குனர் | காதல் பிரேக்கப்பிற்கு சானியா ஐயப்பன் சொன்ன அதிர்ச்சி காரணம் | முன்கூட்டியே ரிலீசாகும் மோகன்லாலின் தொடரும் படம் | எம்புரான் டைட்டில் : நன்றி கார்டில் சுரேஷ்கோபி பெயர் நீக்கம் | வீர தீர சூரன் வெற்றி : வின்டேஜ் புகைப்படம் பகிர்ந்த துருவ் விக்ரம் | பெண் விரிவுரையாளருக்கு 2.68 லட்சம் நஷ்ட ஈடு வழங்க மோகன்லால் பட தயாரிப்பாளருக்கு நீதிமன்றம் உத்தரவு |
வெங்கட்பிரபு இயக்கத்தில் விஜய் நடித்துள்ள 'தி கோட்' படம் இன்று ஓடிடி தளத்தில் ஐந்து மொழிகளில் வெளியாகி உள்ளது. இப்படம் தியேட்டர்களில் வெளியான போது கிளைமாக்ஸ் காட்சிகளில் குழப்பம் உள்ளது என்ற விமர்சனம் எழுந்தது. எந்த விஜய் 'குளோன்' என்பது பலருக்கும் புரியவில்லை. அந்த விமர்சனங்களைத் தொடர்ந்து அதற்கு பதிலளித்த வெங்கட் பிரபு, ''சில காட்சிகளை நீளம் காரணமாக வெட்டி எறிந்துவிட்டோம். தியேட்டர்களில் 3 மணி நேரமாக வெளியான படம், ஓடிடி தளத்தில் வெளியாகும் போது 3 மணி நேரம் 40 நிமிடங்களாக வரும்'' என்று தெரிவித்திருந்திருந்தார். ஆனால், ஓடிடி தளத்தில் தியேட்டர்களில் வெளியான அதே 3 மணி நேரப் படம்தான் வெளியாகி உள்ளது.
இது குறித்து வெங்கட் பிரபு, “டைரக்டர்ஸ் கட்' வர வேண்டும் என்றால் 'லோட்டா விஎப்எக்ஸ்' நிறுவனத்திடமிருந்து முடிவுற்ற பிரதியைப் பெற வேண்டும். அவற்றை டெலிட்டட் காட்சிகளாகவோ அல்லது பிறகு ஓடிடி தளத்தில் சேர்க்கவோ இது குறித்து என்னுடைய தயாரிப்பு நிறுவனத்திடம் பேசுகிறேன். இப்போதைக்கு இந்தப் பதிப்பை என்ஜாய் செய்யுங்கள்,” என்று கூறியுள்ளார்.
வெங்கட் பிரபு முன்னர் குறிப்பிட்டது போல கூடுதலான அந்த 40 நிமிடக் காட்சிகளை விஎப்எக்ஸ் நிறுவனத்திடமிருந்து பெற தயாரிப்பு நிறுவனம்தான் முடிவு செய்ய வேண்டும். அதன் வேலை முடிந்ததா இல்லையா என்பதை தயாரிப்பு நிறுவனம்தான் சொல்ல வேண்டும். அதற்கு கூடுதல் செலவு ஆகும் என்றால் அதைத் தயாரிப்பு நிறுவனம் செய்யுமா என்பதும் கேள்விக்குரியது.
படம் வெளியான போது ரசிகர்களை சமாளித்த வெங்கட் பிரபு, இப்போது மீண்டும் ஒரு காரணத்தை சொல்லி சமாளிப்பது விஜய் ரசிகர்களை அதிருப்தி அடைய வைத்துள்ளது.