இந்தியன் 2வில் இழந்ததை கேம் சேஞ்சர் படத்தில் மீட்கும் ஷங்கர் - Shankar regains what he lost in Indian 2 in Game Changer

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'இந்தியன் 2'வில் இழந்ததை 'கேம் சேஞ்சர்' படத்தில் மீட்கும் ஷங்கர்

02 அக், 2024 - 09:59 IST

எழுத்தின் அளவு:

தமிழ் சினிமாவின் பிரம்மாண்ட இயக்குனர் எனப் பெயரெடுத்தவர் ஷங்கர். அவரது இயக்கத்தில் வந்த படங்களில் பெரும் தோல்வி என எந்த ஒரு படத்தையும் சொல்ல முடியாமல் இருந்தது 'இந்தியன் 2' படம் வெளிவரும் வரை. அந்தப் படம் ஏற்படுத்திய தோல்வி ஷங்கர் இத்தனை வருடங்களாய் காப்பாற்றி வைத்திருந்த பெருமையையும் கொஞ்சம் இழக்க வைத்தது.

தெலுங்கில் அவர் முதன் முறையாக இயக்கி வரும் 'கேம் சேஞ்சர்' படம் எப்படி வரப் போகிறது என அவரது ரசிகர்கள் மட்டுமல்லாமல் தெலுங்கு ரசிகர்களும் ஒரு கேள்வியுடனேயே பார்க்க ஆரம்பித்தனர். இந்நிலையில் 'கேம் சேஞ்சர்' படத்தின் இரண்டாவது சிங்கிளான 'ரா ரா மச்சா' என்ற பாடல் இரண்டு தினங்களுக்கு முன்பு வெளியானது. தெலுங்கில் யு டியூபில் அந்தப் பாடல் இரண்டு நாட்களில் 24 மில்லியன் பார்வைகளையும், ஹிந்தியில் 17 மில்லியன் பார்வைகளையும் கடந்துள்ளது.

ஷங்கர் இயக்கத்தில், அனிருத் இசையில் வந்த 'இந்தியன் 2' பாடல்களுக்கு பெரிய வரவேற்பும், யு டியுபில் பார்வைகளும் கிடைக்கவில்லை. அதே சமயம் 'கேம் சேஞ்சர்' பாடலுக்கு தெலுங்கு, ஹிந்தியில் கிடைத்துள்ள வரவேற்பு ராம் சரண் ரசிகர்களுக்கும் மகிழ்ச்சியை ஏற்படுத்தியுள்ளது.

Game Changer

Shankar

Indian2

Indian3

கருத்துகள் (0) கருத்தைப் பதிவு செய்ய

துணை முதல்வர் உதயநிதிக்கு வாழ்த்து ...

மஞ்சள் வீரன் படத்திலிருந்து டிடிஎப் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய