Dinamalar

160 படங்களைக் கடந்த 2024 ரிலீஸ், 6 படங்கள் மட்டுமே 100 கோடி வசூல்

2024ம் ஆண்டின் 9வது மாதத்தின் கடைசி வாரத்தில் பயணிக்க இருக்கிறோம். வரும் வாரம் செப்டம்பர் 27 வெள்ளிக்கிழமையில் சில படங்கள் வெளியாக உள்ளன. நேற்று முன்தினம் செப்டம்பர் 20ல் வெளியான ஏழு படங்களுடன் சேர்த்து இந்த ஆண்டில் இதுவரையில் வெளியான படங்களின் எண்ணிக்கை 160ஐ கடந்துள்ளது.

இந்த 2024ம் வருடம் முடிய இன்னும் மூன்று மாதங்கள் உள்ளன. அதற்குள்ளாக 50 படங்கள் நிச்சயம் வெளியாகி விடும். வரும் மாதங்களில் சில பெரிய படங்கள் வெளியாக உள்ளதால் அவற்றிற்கு முன்பும், பின்புமாக வெளியாகும் படங்களின் எண்ணிக்கை ஓரளவிற்குக் குறைவாக இருக்கும். ஆனால், மற்ற வாரங்களில் ஐந்துக்கும் மேற்பட்ட படங்கள் வெளியாகும் சூழ்நிலை உருவாகும்.

இந்த வருடத்தில் இதுவரையில் வெளியான 160 படங்களில் 'தி கோட்' படம் 400 கோடிக்கு அதிகமான வசூலைக் குவித்துள்ளது. அந்த சாதனையை அடுத்து வர உள்ள 'வேட்டையன், கங்குவா' ஆகிய படங்கள் முறியடிக்க வாய்ப்புள்ளதாக கோலிவுட்டில் எதிர்பார்க்கிறார்கள். 'ராயன், இந்தியன் 2, மகாராஜா, தங்கலான், அரண்மனை 4' ஆகிய படங்கள் 100 கோடி வசூலைக் கடந்த படங்களாக உள்ளன. 'டிமாண்டி காலனி 2, கருடன்' ஆகிய படங்கள் 50 கோடி வசூலைக் கடந்தாலும் லாபத்தைத் தந்த படங்களாக உள்ளன.

இதுவரை வெளியான 160 படங்களில் 6 படங்கள் மட்டுமே 100 கோடி வசூலைக் கடந்த படங்கள் என்பது ஆச்சரியமல்ல, அதிர்ச்சிதான்.

• செய்திகள்
• வந்த படங்கள்
• வரவிருக்கும் படங்கள்

• 
  'திரிஷ்யம்-3' ஹிந்தி பதிப்பு மாறுபட்ட கதை: அஜய் தேவ்கன்
• 
  காக்டெயில் 2 படத்தில் நடிக்க பயந்தேன் : ராஷ்மிகா மந்தனா
• 
  ஹிந்தியில் 'திரிஷ்யம் 3' படப்பிடிப்பு நிறைவு
• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்

• 
  ‛சிங் கீதம்' படம் என் 40 ஆண்டு கனவு : இயக்குனர் சிங்கீதம் சீனிவாசராவ்
• 
  ரஜினி, சிம்பு, பிரதீப்... : 3 படங்கள் வைத்திருக்கும் அஷ்வத் மாரிமுத்து
• 
  நோவா படத்தில் ஆக் ஷனில் ரைசா வில்சன்
• 
  அடுத்து கொரோனா வந்தால் சென்னை காலி ; பொள்ளாச்சியில் செட்டில் ஆக ஆசை: விஜய் ...
• 
  சாய் பல்லவிக்கு எழுதப்பட்ட கதையில் நடித்த சமந்தா