Dinamalar

தேசிய விருதுகள் - தமிழிலிருந்து சென்றது நான்கு படங்கள் மட்டுமே…

2022ம் ஆண்டில் தணிக்கை செய்யப்பட்ட படங்களுக்கான 70வது தேசிய விருதுகளுக்கான அறிவிப்புகள் நேற்று வெளியிடப்பட்டது. அதில் தமிழ் சினிமாவிற்கு மொத்தமாக 6 விருதுகள் கிடைத்தன. ‛பொன்னியின் செல்வன் 1' படத்திற்கு 4 விருதுகளும், 'திருச்சிற்றம்பலம்' படத்திற்கு 2 விருதுகளும் கிடைத்தன.

தென்னிந்திய மொழிப் படங்களைப் பொறுத்தவரையில் தமிழுக்கு மேலே குறிப்பிட்ட 6 விருதுகள், மலையாளத்திற்கு சிறந்த திரைப்படம், சிறந்த குழந்தை நட்சத்திரம், சிறந்த படத் தொகுப்பு, சிறந்த திரைக்கதை, சிறந்த பின்னணிப் பாடகி என 5 விருதுகள், கன்னடத்திற்கு சிறந்த என்டர்டெயின்மென்ட் திரைப்படம், சிறந்த நடிகர், சிறந்த சண்டைப் பயிற்சி, என 3 விருதுகள் கிடைத்துள்ளன. இவை அனைத்தும் திரைப்படப் பிரிவுகளுக்கான விருதுகள் என்பது குறிப்பிட வேண்டிய ஒன்று.

மற்ற மொழிகளுடன் ஒப்பிடுகையில் தமிழ் சினிமா முன்னணியில் உள்ளது. தெலுங்குத் திரையுலகத்திற்கு இந்த தேசிய விருதுகள் ஏமாற்றத்தைத் தந்துள்ளது.

70வது தேசிய விருதுகளுக்கான அனுப்பப்பட்ட படங்களில் தமிழிலிருந்து 4 படங்கள் மட்டுமே அனுப்பப்பட்டுள்ளது என்ற தகவல் தெரிய வந்துள்ளது. 'பொன்னியின் செல்வன் 1, திருச்சிற்றம்பலம், கார்கி, லவ் டுடே' ஆகிய தயாரிப்பாளர்கள் மட்டும் தேசிய விருதுகளுக்கு தங்களது படங்களை பல்வேறு பிரிவுகளின் கீழ் அனுப்பி வைத்துள்ளனர்.

கொரானோ தாக்கம் 2020ம் ஆண்டு வந்த பின் தேசிய விருதுகள் அறிவிப்புகள் காலதாமதமாக வெளியாகி வருகின்றன. 2023ம் ஆண்டிற்கான தேசிய விருதகள் அறிவிப்பு இந்த வருடம் அக்டோபர் மாதம் வெளியாக உள்ளதாம். இந்த 2024ம் ஆண்டிற்கான விருதுகள் பற்றிய அறிவிப்பை அடுத்த ஆண்டு துவக்கத்திலேயே வெளியிடவும் திட்டமிட்டுள்ளார்களாம்.

• செய்திகள்
• வந்த படங்கள்
• வரவிருக்கும் படங்கள்

• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்
• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா

• 
  சனாதன தர்மம் இளைஞர்களிடம் போய் சேரணும் : சென்னையில் நடிகர் பாலகிருஷ்ணா ...
• 
  ஜெயிலர் 2 படப்பிடிப்பில் இணைந்த மோகன்லால்
• 
  கல்கி 2898 ஏடி 2 படம் : தீபிகாவிற்கு பதில் பிரியங்கா சோப்ரா
• 
  மீண்டும் சுதா இயக்கத்தில் நடிக்கும் சிவகார்த்திகேயன்
• 
  ஐஸ்வர்யா ராஜேஷ் நடிக்கும் புதிய படம் ஓ சுகுமாரி