Dinamalar

விஜய் 69 - தெலுங்கு தயாரிப்பாளர் தான் என்பது உறுதி

விஜய்யின் 68வது படமாக 'தி கோட்' படம் உருவாகி வருகிறது. இப்படம் செப்டம்பர் 5ம் தேதி வெளியாக உள்ளது. இந்தப் படத்தை அடுத்து தனது 69வது படத்துடன் சினிமாவில் நடிப்பதைவிட்டு விலகி அரசியலில் ஈடுபட உள்ளார் விஜய்.

விஜய்யின் 69வது படம் குறித்து இதுவரையிலும் எந்த ஒரு அதிகாரப்பூர்வ அறிவிப்பும் வெளியாகவில்லை. ஆனால், யூகங்களாய் பல செய்திகள் வந்து கொண்டிருக்கிறது. ராஜமவுலி இயக்கத்தில் வெளிவந்த 'ஆர்ஆர்ஆர்' படத்தைத் தயாரித்த நிறுவனமான டிவிவி என்டர்டெயின்மென்ட் நிறுவனம்தான் அந்தப் படத்தைத் தயாரிக்கப் போகிறது என்று செய்திகள் வந்தன.

ஆனால், விஜய் கேட்ட அதிகப்படியான சம்பளத்தை ஏற்காமல் அந்நிறுவனம் விலகியதாக பின்னர் சொன்னார்கள். 69வது படத்தை இயக்கப் போவது யார் என்பது குறித்தும் பல்வேறு தகவல்கள் வெளியாகின.

இந்நிலையில் இன்று விஜய்யின் பிறந்தநாளை முன்னிட்டு டிவிவி என்டர்டெயின்மென்ட் நிறுவனம், “எங்களது அன்புக்குரிய தளபதி விஜய்க்கு இனிய பிறந்தநாள் வாழ்த்துகள். உங்கள் வெற்றியின் மூலம் பாக்ஸ் ஆபீசைத் தீப்பற்ற வையுங்கள். உங்கள் இருப்புடன் சிரிப்போடு இருங்கள்,” என்று வாழ்த்தியிருக்கிறது.

இதன் மூலம் விஜய்யின் 69வது படத்தைத் தயாரிக்கப் போவது அவர்கள்தான் என்பது ஏறக்குறைய உறுதியாகிவிட்டது.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...