Dinamalar

ஐஸ்வர்யா இயக்கத்தில், கெளதம் கார்த்திக் நடிக்கும் வை ராஜா வை!

மணிரத்னம் இயக்கிய கடல் படத்தில் அறிமுகமானவர் கெளதம். நடிகர் கார்த்திக்கின் மகனான இவர் அந்த படத்தை பெரிய அளவில் எதிர்பார்த்தார். ஆனால் படம் படுதோல்வியடைந்து அவரை ஏமாற்றி விட்டது. இருப்பினும், உடனடியாக சில கம்பெனிகளிடம் பேசி வந்த கார்த்திக், இப்போது மகனை இரண்டு படங்களில் ஒப்பந்தம செய்து விட்டார். அதில் ஒரு படத்தை 3 படத்தை இயக்கிய ஐஸ்வர்யா தனுஷ் இயக்குகிறார். கல்பாத்தி அகோரம் படத்தை தயாரிக்கிறார்.

அப்படத்துக்கு வை ராஜா வை என்று பெயரிட்டுள்ள ஐஸ்வர்யா தனுசுக்கும் முதல் படம் சற்று சறுக்கி விட்டதால், இந்த முறை எப்படியேனும் வெற்றி பெற்று வெற்றிப்பட இயக்குனர் பட்டியிலில் இடம் பிடித்து விட வேண்டும் என்று தீவிரம் காட்டி வருகிறார். அதனால் முதல் படத்தில் செய்த சில தவறுகளை இந்த படத்தில் செய்யாமல் பக்காவாக படத்தை இயக்க வேண்டும் என்று கதை விவாதம் செய்து வருகிறார்.

மேலும், யுவன்ஷங்கர்ராஜா இசையமைக்கும் இப்படத்தில் ஜெய், பூர்ணிமா ஆகியோரும் நடிக்கிறார்கள். ஆனால் கெளதமுக்கு ஜோடியாக நடிக்கப்போவது யார் என்பது இன்னும் முடிவாகவில்லையாம். தொடர்ந்து நாயகி தேர்வு நடத்தி வருகிறார் ஐஸ்வர்யா தனுஷ்.

• செய்திகள்
• ஆல்பம்