Dinamalar

ஆண்டின் ஆரம்ப 'லாஸ்'-ஐ சரிப்படுத்துமா 'லால் சலாம்'?

2024ம் ஆண்டின் முதல் மாதமான ஜனவரி மாதத்தில் வெளிவந்த படங்களில் 'அயலான், கேப்டன் மில்லர், ப்ளூ ஸ்டார், சிங்கப்பூர் சலூன்' ஆகிய படங்கள் வெற்றிகரமாக ஓடுவதாகச் சொல்கிறார்கள். ஆனால், திரையுலக வட்டாரங்களில் விசாரித்தால் அப்படங்கள் லாபத்தைத் தருவதைக் காட்டிலும் 'லாஸ்'ஐத்தான் தரும் என்கிறார்கள். கூட்டிக் கழித்துப் பார்த்து ஓடி முடித்த போது நஷ்டக் கணக்கே வரும் என்பதுதான் அவர்கள் சொல்லும் தகவல்.

இந்நிலையில் இந்த வாரம் பிப்ரவரி 9ம் தேதி ரஜினிகாந்த் சிறப்புத் தோற்றத்தில் நடித்துள்ள 'லால் சலாம்', மணிகண்டன் நடித்துள்ள 'லவ்வர்', அசோக் நடித்துள்ள 'ஈ மெயில்' ஆகிய படங்கள் தியேட்டர்களிலும், பரத், ஜனனி ஐயர் நடித்துள்ள 'இப்படிக்கு காதல்' படம் ஓடிடி தளத்திலும் வெளியாகிறது.

'லால் சலாம்' படத்தில் ரஜினிகாந்த் சிறப்புத் தோற்றத்தில் நடித்திருந்தாலும் படத்தில் அவர் அரை மணி நேரம் வரை வருகிறார் என்று சொல்கிறார்கள். படத்தின் போஸ்டர்களிலும் அவர்தான் பிரதானமாக உள்ளார். ரஜினிகாந்த் நடித்து கடந்த வருடம் வந்த 'ஜெயிலர்' படம் 600 கோடி வசூலைக் குவித்தது. அப்படம் வந்து சரியாக ஆறு மாதங்கள் கழித்து மற்றொரு ரஜினி படம் வருகிறது.

தியேட்டர்களுக்கு முதல் நாள் முதல் காட்சியிலேயே ரசிகர்களை அதிகமாக வரவழைப்பதை ஆரம்பித்து வைத்ததே ரஜினிகாந்த் தான். அதனால், இந்த ஆண்டின் ஆரம்ப மாதமான ஜனவரி மாதத்தின் நஷ்டத்தை சரிப்படுத்தும் விதத்தில் 'லால் சலாம்' படம் லாபத்தைத் தருமா என திரையுலகினர் ஆவலுடன் காத்திருக்கிறார்கள்.

• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்

• 
  மிக விரைவில் 100 மில்லியனைத் தொட்ட 'மோனிகா'
• 
  பிளாஷ்பேக்: மறைந்த எம் ஜி ஆர், மறுபடியும் திரையில் மின்னிய “அவசர போலீஸ் 100”
• 
  முதல் இரண்டு பாகங்களைப் போல திரிஷ்யம்-3 இருக்காது ; ஜீத்து ஜோசப் உறுதி
• 
  ஒரு மாதம் முழுவதும் விடியற்காலையில் மணிரத்னத்தை பின்தொடர்ந்தேன் ; ...
• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...