Dinamalar

கதாநாயகனாக அறிமுகமாகும் இயக்குனர் ஷாஜி கைலாஷின் மகன்

மலையாளத்தில் கடந்த 35 ஆண்டுகளுக்கு மேலாக பிரபல இயக்குனராக இயங்கி வருபவர் ஷாஜி கைலாஷ். தமிழில் வாஞ்சிநாதன், ஜனா, எல்லாம் அவன் செயல், வைகை எக்ஸ்பிரஸ் உள்ளிட்ட சில படங்களை இவர் இயக்கியுள்ளார். இடையில் இவரது பயணத்தில் சிறிய தேக்கம் ஏற்பட்டாலும் மீண்டும் பிரித்விராஜ், மோகன்லால் ஆகியோரின் படங்களை இயக்கியதன் மூலம் விட்ட இடத்தை பிடித்துள்ளார்.

இந்த நிலையில் இவரது மகன் ருஷின் மலையாள சினிமாவில் நடிகராக தன் பயணத்தை துவங்கி, 'கேங்க்ஸ் ஆப் சுகுமார குரூப்' என்கிற படத்தில் கதாநாயகனாக நடிக்கிறார். இந்த படத்தை செபி சவுக்கத் என்பவர் இயக்குகிறார். இன்சூரன்ஸ் பணத்தை பெறுவதற்காக வேறு ஒரு நபரை கொன்று நாடகமாடி தலைமறைவான முன்னாள் கிரிமினல் சுகுமார குரூப் என்பவனின் வாழ்க்கை சம்பவங்களை பற்றிய படமாக இது உருவாகிறது. ஏற்கனவே துல்கர் சல்மானின் நடிப்பில் வெளியான குரூப் படத்தின் கதையும் இதுதான் என்பதை குறிப்பிடத்தக்கது.

தந்தையின் வழியை பின்பற்றி இயக்குனர் பாதையில் செல்லாமல் நடிப்பு பாதையை இவர் தேர்ந்தெடுத்ததற்கு, இவரது அம்மா ஆனி ஒரு முன்னாள் நடிகை என்பதும் ஒரு காரணம் என்று சொல்லலாம்.

• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல

• 
  சினிமா சங்கப் பிரச்னைகள் : தயாரிப்பாளர் சங்கம் போலீசில் புகார்
• 
  தங்கர் பச்சான் மகன் படத்தில் நடிக்கும் போது வலியை அனுபவித்து அழுதேன்: ...
• 
  சினிமாவில் நடிப்பது எனது தனிப்பட்ட முடிவு : குஷ்பு மகள் அவந்திகா ...
• 
  பிளாஷ்பேக்: முதல் செஞ்சுரி அடித்த சிவாஜி
• 
  பிளாஷ்பேக் : ஒரே படத்துடன் காணாமல் போன நடிகை