Dinamalar

'சென்னை பிரணயம்' பைலட் ஷாட் மூவி திரையிடல்

தென்னாடு சினிமா தயாரிப்பு நிறுவனத்தின் முதல் தயாரிப்பான 'சென்னை பிரணயம்' என்ற திரைப்படத்தின் பைலட் மூவி தயாராகியுள்ளது. இந்த படத்தை மறைந்த டைரக்டர் பாலு மகேந்திராவின் மாணவர் சதீஷ்பாபு இயக்குகிறார். சதீஷ்பாபுவின் முதல்படமான 'சென்னை பிரணயம்' படம் பைக் காதல் கதையை வித்தியாசமான கோணத்தில் தயாராகிவருகிறது.

கதையில் கேரளாவில் உள்ள கதாநாயகியை தேடி, கதாநாயகன் பைக்கில் கேரளாவிற்கு செல்கிறார். இருவருக்கும் இடையே பழக்கம் மற்றும் காதல் மலர்ந்தது எப்படி என்பது குறித்தும், எப்படி பிரிந்தனர் என விறு விறுப்பாக கதைகளம் அமைக்கப்பட்டுள்ளது. படத்தில் கதாநாயகனாக ராஜாவும், கதாநாயகியாக நீமா ரோசாவும் நடிக்கின்றனர்.

படத்தின் கேமராமேனாக தினேஷ்குமாரும், எடிட்டராக தாமோதரனும், இசையமைப்பாளராக ரகுநாத்தும் பணிபுரிந்துள்ளனர். சந்தோஷ் படத்தின் போஸ்டரை வடிவமைத்துள்ளார். ஜான் கென்னடி சவுண்ட் மிக்ஸிங் செய்துள்ளார். மலையாள நடிகர்கள் பிஜூமேனன், பிரதீப் நடித்துள்ளனர்.

சென்னை பிரணயம் படத்தின் 'பைலட் மூவி' திரையிடும் நிகழ்ச்சி சென்னை ஏ.வி.எம்.ஸ்டூடியோவில் நடந்தது. நிகழ்ச்சியில் திரைப்பட தயாரிப்பாளர் மணிகண்டன், தயாரிப்பாளர் ஞானசேகர், டைரக்டர் நாஞ்சில் அன்பழகன், தினமலர் நெல்லை நிர்வாக இயக்குனர் தினேஷ், படத்தின் கதாநாயகன் ராஜா, கதாநாயகி நீமா ரோசா மற்றும் படக்குழுவினர் கலந்து கொண்டனர்.

முன்னதாக பர்ஸ்ட் லுக் போஸ்டரை டைரக்டரும், தயாரிப்பாளருமான எஸ்.ஏ.சந்திரசேகர், நடிகர் மதன்பாப் தனித்தனியாக வெளியிட்டனர்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ
• 
  திருமணத்திற்கு தயாராகும் தமன்னா
• 
  திருப்பதி கோவிலில் சாமி தரிசனம் செய்த சந்தானம்