Dinamalar

'லியோ' டிரைலர் சாதனையை முறியடிக்குமா 'குண்டூர் காரம்' டிரைலர்

சமூக வலைத்தளங்களில் விஜய் ரசிகர்களுக்கும், மகேஷ் பாபு ரசிகர்களுக்கும் இடையே அடிக்கடி மோதல் நடக்கும். இருவரது படங்கள் வெளியாகும் போது அந்த மோதல் இன்னும் அதிகமாக இருக்கும்.

'லியோ' படத்தின் அப்டேட் வந்த போதும், படம் வெளிவந்த போதும் இப்படித்தான் நடந்தது. இப்போது மகேஷ் பாபு நடித்துள்ள தெலுங்குப் படமான 'குண்டூர் காரம்' படம் வரும் 12ம் தேதி வெளியாக உள்ளதால் மீண்டும் அந்த சண்டை ஆரம்பமாகலாம்.

இப்படத்தின் டிரைலர் நேற்று இரவு யு டியூபில் வெளியானது. அதற்குள் 28 மில்லியன் பார்வைகளைக் கடந்துள்ளது. கடந்த வருடம் வெளியான 'லியோ' டிரைலர் 24 மணி நேரத்தில் 31 மில்லியன் பார்வைகளைக் கடந்தது. அந்த சாதனையை 'குண்டூர் காரம்' முறியடிக்குமா என்பதற்கு இன்னும் சில மணி நேரங்கள் காத்திருக்க வேண்டும்.

'குண்டூர் காரம்' டிரைலர் பற்றி சில எதிர்மறை விமர்சனங்கள் வந்தாலும், பக்கா ஆக்ஷன் மாஸ் படமாக இருக்கும் என டிரைலரைப் பார்த்த ரசிகர்கள் கருத்தாக உள்ளது. 'அலா வைகுந்தபுரம்லோ' படம் போல அம்மா, மகன் சென்டிமென்ட்டை இந்தப் படத்தில் வைத்திருக்கிறார் இயக்குனர் த்ரிவிக்ரம். தெலுங்கில் பொங்கல் போட்டியில் அதிகம் எதிர்பார்க்கப்படும் படமாக இப்படம் உள்ளது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  நாகர்ஜூனாவின் 100வது படம் தொடங்கியது
• 
  பான் இந்தியா படம் : பிரசாந்த் ஆர்வம்
• 
  நான் அவனில்லை : இயக்குனர் பாரதி கண்ணன் விளக்கம்
• 
  'காந்தாரா சாப்டர்1' காஸ்ட்யூம் டிசைன்: ரிஷப் ஷெட்டி மனைவி பிரகதி ...
• 
  300 கோடி வசூல் படங்கள் : லாபக் கணக்கு எவ்வளவு ?