Dinamalar

மீண்டும் பாலிவுட் செல்கிறார் த்ரிஷா

தென்னிந்திய சினிமாவின் முன்னணி நடிகையான த்ரிஷா தொடர்ந்து 20 வருடங்களுக்கு மேலாக ஹீரோயினாக நடித்து வருகிறார். இடையில் சிறிது தொய்வு ஏற்பட்டாலும் 'பொன்னியின் செல்வன்' படத்திற்கு பிறகு மீண்டும் பிசியாகி விட்டார். சமீபத்தில் விஜய்யுடன் 'லியோ' படத்தில் நடித்திருந்தார். தற்போது அஜித்துடன் 'விடா முயற்சி' படத்தில் நடித்து வருகிறார்.

பாலிவுட் பட வாய்ப்புகள் பலமுறை வந்தும் நடிக்க மறுத்து வந்த த்ரிஷா தன்னை அறிமுகப்படுத்திய பிரியதர்ஷன் இயக்கிய 'கட்டா மேத்தா' என்ற படத்தில் நடித்தார். இதில் அவர் அக்ஷய்குமார் ஜோடியாக நடித்திருந்தார். இந்த படம் 2010ம் ஆண்டு வெளியானது. அதன்பிறகு எந்த படத்திலும் நடிக்கவில்லை. ஆனாலும் அவர் நடித்த பொன்னியின் செல்வன், லியோ படங்கள் ஹிந்தியில் வெளியானது.

தற்போது 13 ஆண்டுகளுக்கு பிறகு மீண்டும் பாலிவுட்டில் நடிக்கிறார். தமிழ் இயக்குனர் விஷ்ணுவர்த்தன் சல்மான்கான் நடிக்க இருக்கும் படத்தை இயக்குகிறார். இதில் அவருக்கு ஜோடியாக த்ரிஷா நடிக்கிறார். இதுகுறித்த அதிகாரபூர்வமான அறிவிப்பு புத்தாண்டு தினத்தில் வெளியாகும் என்று தெரிகிறது.

தமிழில் அறிந்தும் அறியாமலும், பட்டியல், சர்வம், ஆரம்பம், யட்சன் உள்ளிட்ட படங்களை இயக்கிய விஷ்ணுவர்த்தன் ஹிந்தியில் 'ஷெர்ஷா' என்ற படத்தை இயக்கினார். கார்கில் போரை மையமாக கொண்டு உருவான இந்த படம் நல்ல வரவேற்பை பெற்றது. தற்போது அவர் சல்மான்கான் நடிக்கும் படத்தை இயக்குகிறார். பிரமாண்ட ஆக்ஷன் படமாக உருவாகி 2025ம் ஆண்டு வெளியாக இருக்கிறது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  இந்த ஆண்டில் திரிஷா நடிப்பில் ஆறு படங்கள் ரிலீஸ்
• 
  பேட்ட படத்திற்கு பிறகு ரெட்ரோ படம் தான் : கார்த்திக் சுப்பராஜ்
• 
  சுந்தர்.சி இயக்கத்தில் கார்த்தி உறுதி
• 
  முதல் முறையாக ஜோடி சேரும் துல்கர் சல்மான், பூஜா ஹெக்டே
• 
  அஜித் வைத்த நம்பிக்கை குறித்து நெகிழ்ந்த அர்ஜுன் தாஸ்