Dinamalar

பிராங் வீடியோ பின்னணியில் உருவான படம்

ராயல் என்டர்பிரைசஸ் சார்பில் குமாரதாஸ் தயாரிப்பில் உருவாகியுள்ள படம் 'கும்பாரி'. இந்த படத்தில் விஜய் விஷ்வா, நலீப் ஜியா, மஹானா சஞ்சீவி , ஜான் விஜய், பருத்திவீரன் சரவணன், சாம்ஸ், மதுமிதா, செந்தி குமாரி, காதல் சுகுமார் உள்ளிட்ட பலர் நடித்துள்ளனர். கெவின் ஜோசப் இயக்கி உள்ளார். பிரசாத் ஆறுமுகம் ஒளிப்பதிவு செய்கிறார், ஜெயபிரகாஷ், ஜெய்சன் பிருத்வி இசை அமைக்கிறார்கள்.

படம் பற்றி இயக்குனர் கெவின் ஜோசப் கூறியதாவது: பொதுமக்கள் உணர்ச்சிகளோடு விளையாடும் பிராங் ஷோக்களுக்கு எதிராக கொதிக்கிற நாயகன், அதை நடத்தும் பெண்ணை காதலிக்கிறான். காதலுக்கு அண்ணன் எதிர்ப்பு தெரிவிக்க காதல் ஜோடி ஊரை விட்டு ஓட... அதன்பிறகு அவர்களுக்குள் என்ன நடக்கிறது என்பதுதான் படத்தின் கதை. இது ஒரு பயணத்தில் செல்லும் காதல் கதை. சிவகார்த்திகேயன் நடித்த 'மனம் கொத்திப் பறவை 'போல் காதலர்கள் செய்யும் பயணம் தான் இப்படம். காதல், நட்பு, நகைச்சுவை, ஆக்ஷன் என அனைத்தும் கலந்த படம்.

கும்பாரி என்றால் குமரி மண்ணின் வட்டார மீனவ மக்கள் வழக்கில் நண்பன் என்று பொருள். இந்தப் படம் ஒரு காதல் கதை தான் என்றாலும் நட்பை பற்றியும் இப்படம் பேசுகிறது. குமரி மண்ணின் அழகும், மண் மணக்கும் மொழியும், பாடல்களும் படத்திற்கு வேறு நிறம் காட்டுகின்றன. இப்படத்தில் காதல், நகைச்சுவை, நட்புடன் கலந்து சமகாலச் சமூகப் போக்கையும் பிரதிபலித்துக் கதை உருவாகியுள்ளது.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  கிரிக்கெட் வீரருடன் டேட்டிங் செய்யும் மிருணாள் தாக்கூர்!
• 
  'அட்டகாசம், அஞ்சான்' ரீ ரிலீஸ்: வசூல் நிலவரம் என்ன?
• 
  மீண்டும் இயக்குனராக களமிறங்கும் சமுத்திரக்கனி!
• 
  சுந்தர். சி, விஷால் படத்தின் புதிய அப்டேட்!
• 
  தனுஷுக்கு வசூலில் புதிய மைல்கல் ஆக அமையும் 'தேரே இஸ்க் மே'