முதல் மரியாதை : ரீமேக் செய்ய விரும்பும் கவுதம் மேனன் - Gautham Menon Wants To Remake mudhal mariyadhai movie

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'முதல் மரியாதை' : ரீமேக் செய்ய விரும்பும் கவுதம் மேனன்

19 நவ, 2023 - 01:28 IST

எழுத்தின் அளவு:

பாரதிராஜா இயக்கத்தில், இளையராஜா இசையமைப்பில், சிவாஜி கணேசன், ராதா மற்றும் பலர் நடித்து 1985ம் ஆண்டு வெளிவந்த படம் 'முதல் மரியாதை'. எத்தனையோ படங்களில் சிவாஜி கணேசன் நடித்திருந்தாலும் இந்தப் படத்தில் அவருடைய நடிப்பு பெரிதும் பாராட்டப்பட்டது. அதுவரை பார்த்திராத சிவாஜியின் யதார்த்தமான நடிப்பை அந்தப் படத்தில் பலரும் வியந்து ரசித்தார்கள்.

'துருவ நட்சத்திரம்' படம் பற்றிய சந்திப்பின் போது 'எந்த பழைய படத்தை மீண்டும் செய்ய ஆசை' என்ற கேள்வி ஒன்றிற்குப் பதிலளிக்கையில் 'முதல் மரியாதை' படத்தை ரீமேக் செய்ய ஆசை' என்று பதிலளித்தார். சிவாஜி கணேசன் கதாபாத்திரத்தில் யாரை நடிக்க வேண்டும் என்ற கேள்விக்கு 'கமல்ஹாசன்' என சட்டென்று கூறினார். ராதா கதாபாத்திரத்தில் யாரை நடிக்க வைப்பீர்கள் என்ற கேள்விக்கு பிறகு சொல்கிறேன் என்றவர், கடைசி வரை சொல்லவேயில்லை.

கிராமத்துக் கதைகளை படமாக்குவதில்லையே என்ற மற்றொரு கேள்விக்கு, “வெந்து தணிந்தது காடு” படத்தில் கூட ஆரம்பத்தில் சில கிராமத்துக் காட்சிகள் இருக்கும். ஆனால், பலரும் ஏன் அப்படியெல்லாம் எடுக்கிறீர்கள் என்று கேட்டனர். அந்தக் காட்சிகள் படத்திற்கு கொஞ்சம் மைனஸ் ஆக அமைந்துவிட்டதோ என்று கூட யோசிக்க ஆரம்பித்துவிட்டேன். நான் 'அர்பன்' டைப் படங்களை எடுக்கவே பலரும் விரும்புகிறார்கள் போலிருக்கிறது. எனக்கும் ஒரு கிராமத்துப் படத்தை எடுக்க ஆசைதான்,” என்றார்.

Gauthammenon

Mudhalmariyadhai

DhruvaNatchathiram

கருத்துகள் (0) கருத்தைப் பதிவு செய்ய

நம்மை நாமே அழகாக்குவோம் - அழகிய ...

மன்சூர் அலிகானுக்கு நடிகர் சங்கம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய