Dinamalar

காப்பி சர்ச்சையில் 'தக் லைப்' தலைப்பு அறிவிப்பு வீடியோ

மணிரத்னம் இயக்கத்தில், ஏஆர் ரஹ்மான் இசையில், கமல்ஹாசன், த்ரிஷா, ஜெயம் ரவி, துல்கர் சல்மான் மற்றும் பலர் நடிக்கும் கமல்ஹாசனின் 234வது படத்தின் தலைப்பு 'தக் லைப்' என நேற்று அதன் அறிவிப்பு வீடியோ ஒன்றை வெளியிட்டார்கள்.

அதில் சிலரை எதிர்த்து கமல்ஹாசன் சண்டை செய்து, ஆவேச வசனம் வீசும் 2 நிமிட 55 வினாடி வீடியோ இடம் பெற்றிருந்தது. அந்த வீடியோவில் கமல்ஹாசனின் தோற்றமும், அவரை எதிர்த்து சண்டையிட வரும் நபர்களின் தோற்றம், அந்த வீடியோவின் படமாக்கம் ஆகியவை 2019ல் வெளிவந்த 'ரைஸ் ஆப் ஸ்கைவாக்கர்' படத்தின் காப்பி ஆக இருப்பதாக சமூக வலைத்தளங்களில் சர்ச்சை எழுந்துள்ளது.

பலரும் அது குறித்து தங்களது கருத்துக்களைப் பதிவு செய்துள்ளனர். இப்படியான காப்பி சர்ச்சை மணிரத்னம், கமல்ஹாசன் ஆகியோருக்கு புதிதல்ல என்றும் சிலர் விமர்சனங்களை வைத்துள்ளார்கள்.

அத்துடன் கமல்ஹாசனின் கதாபாத்திரப் பெயரான 'ரங்கராய சக்திவேல் நாயக்கன்' என்பதும் கடும் விவாதத்தை ஏற்படுத்தியுள்ளது. சாதிய படங்கள் அதிகம் வந்து கொண்டிருக்கும் சூழ்நிலையில் கமல்ஹாசனும் இப்படி ஒரு சாதிப் பெயருடன் தனது படத்தின் கதாபாத்திரத் தலைப்பை வைத்திருப்பது பலரையும் அதிர்ச்சிக்குள்ளாக்கி இருக்கிறது.

தலைப்பு அறிவிப்பு வீடியோவிலேயே இரண்டு சர்ச்சைகளை ஆரம்பித்து வைத்துள்ளது 'தக் லைப்'.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  வன்முறை, ரத்தம் தெறிக்கும் காட்சிகள் : ரஜினியின் 'கூலி' படத்திற்கு ‛ஏ' ...
• 
  பிரதீப் ரங்கநாதன் பாணியில் அபிஷன் ஜீவிந்த் நாளை மறுநாள் ஹீரோ ஆகிறார்
• 
  பிட்னஸ் ரகசியத்தை வெளியிட்ட சமந்தா
• 
  ஜெயிலர் 2 படப்பிடிப்பு : மீண்டும் கேரளா செல்லும் ரஜினி
• 
  3 விருதுகளை வென்ற ‛பார்க்கிங்' : ஷாரூக்கான், ராணி முகர்ஜி, ஜிவி ...