Dinamalar

ரசிகர்களின் பொறுமையை இப்படி சோதிக்கலாமா இயக்குனர்களே ?

ஒரு காலத்தில் வெளியான தமிழ்த் திரைப்படங்கள் 3 மணி நேரம் வரை கூட இருந்தன. அவற்றையெல்லாம் அப்போதைய ரசிகர்கள் மிகவும் பொறுமையாக அமர்ந்து பார்த்து ரசித்தார்கள்.

70களில் இரண்டரை மணி நேரப் படங்கள் என கொஞ்சம் மாற்றினார்கள். அதன்பின் தேவைப்பட்டால் 3 மணி நேரப் படங்களை எடுத்தார்கள். தமிழ் சினிமாவில் அதிக நேரம் கொண்ட படம் என்று பார்த்தால் சேரன் இயக்கத்தில் 2005ல் வெளிவந்த 'தவமாய் தவமிருந்து' படத்தைச் சொல்லலாம். அப்படம் 3 மணி நேரம் 24 நிமிடங்கள் ஓடக் கூடிய ஒரு படம்.

கடந்த ஓரிரு வருடங்களில் சில முக்கிய இயக்குனர்கள் இரண்டே முக்கால் மணி நேரப் படத்தைக் கொடுத்து நம் பொறுமையை சோதித்து வருகிறார்கள்.

இந்த வருடத் துவக்கத்தில் விஜய் நடித்து வெளிவந்த 'வாரிசு' படம் 2 மணி நேரம் 47 நிமிடமும், சமீபத்தில் வெளிவந்த 'லியோ' படம் 2 மணி நேரம் 44 நிமிடமும் ஓடக் கூடிய படங்கள். ரஜினி நடித்து வெளிவந்த 'ஜெயிலர்' படம் 2 மணி நரம் 48 நிமிடப் படமாக இருந்தது.

அந்தப் படங்களை எல்லாம் தூக்கி சாப்பிடும் அளவிற்கு 'ஜிகர்தண்டா டபுள் எக்ஸ்' படத்தின் நேரம் அமைந்துள்ளது. இப்படத்தின் தணிக்கை இன்று நடந்து முடிந்துள்ளது. அதில் படத்தின் நேரம் 2 மணி நேரம் 52 நிமிடம் எனக் குறிப்பிடப்பட்டுள்ளது.

இனி நம் முன்னணி இயக்குனர்கள் 3 மணி நேரத்தைத் தொடாமல் படங்களை இயக்க மாட்டார்கள் போலிருக்கிறது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு