கார்த்தி 26 படப்பிடிப்பில் பிறந்தநாளை கொண்டாடிய நலன் குமாரசாமி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

28 அக், 2023 - 10:59 IST

எழுத்தின் அளவு:

Nalan-Kumaraswamy-celebrated-his-birthday-on-the-set-of-Karthi-26

சூது கவ்வும் படத்தின் மூலம் ஒரு அறிமுக இயக்குனராக, தான் மட்டுமல்லாமல் அந்த படத்தில் நடித்த விஜய்சேதுபதி, அசோக் செல்வன், பாபி சிம்ஹா, கருணாகரன் உள்ளிட்ட அனைவருக்குமே தமிழ் சினிமாவில் ஒரு திருப்புமுனையை ஏற்படுத்திக் கொடுத்தவர் இயக்குனர் நலன் குமாரசாமி. அதைத்தொடர்ந்து விஜய்சேதுபதி நடித்த காதலும் கடந்து போகும் படத்தை இயக்கிய அவருக்கு அந்த படம் பெரிதாக கை கொடுக்கவில்லை. தொடர்ந்து ஒன்றிரண்டு ஆந்தாலாஜி படங்களில் குறும்பட எபிசோட்களை மட்டும் இயக்கினார்.

இந்த நிலையில் தற்போது நடிகர் கார்த்தியின் 26-வது படத்தை இயக்கி வருகிறார் நலன் குமாரசாமி. இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்த நிலையில் நேற்றுமுன்தினம் நலன் குமாரசாமியின் பிறந்தநாள் என்பதால் படப்பிடிப்பு தளத்தில் கேக் வெட்டி அவரது பிறந்தநாளை விமர்சையாக கொண்டாடியுள்ளனர் கார்த்தி மற்றும் படக்குழுவினர். இது குறித்த புகைப்படங்கள் தற்போது சோசியல் மீடியாவில் வெளியாகி உள்ளன. இதுநாள் வரை இப்படி ஒரு கூட்டணியில் படம் தயாராகி வருவதாக சொல்லப்பட்ட நிலையில் படப்பிடிப்பு தளத்திலிருந்து முதலில் வெளியாகி இருக்கும் புகைப்படம் இது என்பது குறிப்பிடத்தக்கது.

Nalankumarasamy

Karthi26

கருத்துகள் (0) கருத்தைப் பதிவு செய்ய

குலதெய்வம் கோயிலுக்கு மனைவியுடன் ...

புதிய படங்கள் வெளியாகாமல் தடுத்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய