Dinamalar

புதிய படங்கள் வெளியாகாமல் தடுத்த 'லியோ'

சினிமா என்பது அனைவருக்குமானது. ஆனால், அதை சில முன்னணி நடிகர்கள் அவர்களுக்கானது என்று மட்டுமே நினைத்து செயல்பட்டு வருவதால் தமிழ் சினிமாவுக்கு கடும் பாதிப்பு ஏற்பட்டு வருவதாக திரையுலகில் வருத்தப்படுகிறார்கள்.

தமிழ் சினிமாவின் முன்னணி நடிகரான விஜய் நடித்து அக்டோபர் 19ம் தேதி வெளிவந்த படம் 'லியோ'. இப்படத்தைத் தமிழகத்தில் உள்ள அனைத்து முக்கிய தியேட்டர்களிலும் வெளியிட்டார்கள். ஒரு சில தியேட்டர்களில் மட்டும் ஒப்பந்தப் பிரச்சனையால் வெளியாகவில்லை. மற்ற தியேட்டர்களில் ஏற்கெனவே வெளியான வேறு சில படங்கள் வெளியாகின.

'லியோ' படம் வெளியாவதற்கு ஒரு வாரத்திற்கு முன்பே இரண்டாம், மூன்றாம் நிலை நடிகர்களின் படங்கள் கூட வெளியாகவில்லை. வெளியான ஒரு வாரத்திற்குப் பின்பு நேற்று அறிமுக நடிகரின் படம் மட்டும் வெளியானது. அடுத்த வாரம் கூட மிகச் சிறிய பட்ஜெட் படங்கள் ஒரு சில மட்டுமே வெளியாகின்றன.

'லியோ' படத்தின் வெளியீடு காரணமாக மற்ற படங்களை வெளியிட முடியாத சூழலைப் பற்றி தயாரிப்பாளர்கள் சங்கமோ, தியேட்டர்காரர்கள் சங்கமோ கவலைப்பட்டதாகத் தெரியவில்லை. ஒரு காலத்தில் ஒரே நாளில் ஐந்தாறு முன்னணி நடிகர்களின் படங்கள் கூட வெளியாகியுள்ளன. ஆனால், இப்போது அப்படி யாரும் வெளியிட முன் வருவதில்லை.

2024ம் ஆண்டில் அனைத்து முன்னணி நடிகர்களின் படங்களும் வெளியாக உள்ளது. அதனால், நடுத்தர பட்ஜெட் படங்கள், சிறிய பட்ஜெட் படங்கள் ஆகியவற்றின் வெளியீடுகள் மிகவும் பாதிப்படைய வாய்ப்புள்ளது. அதற்கு ஏதாவது வழி செய்தால்தான் சிறிய படங்களுக்கு எந்த பாதிப்பும் இல்லாமல் இருக்கும்.

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  நள்ளிரவில் சுவாசிகாவுக்கு மெசேஜ் அனுப்பி சந்தேகம் கேட்ட ஐஸ்வர்ய லட்சுமி
• 
  அப்பா உடன் நடிக்க நான் ரெடி : ஸ்ருதிஹாசன்
• 
  பராசக்தி படப்பிடிப்பு நிறுத்தப்பட்டதா? : இயக்குனர் சுதா விளக்கம்
• 
  ரூ.75 கோடி வசூலைக் கடந்த டூரிஸ்ட் பேமிலி
• 
  23 ஆண்டுகளுக்கு பிறகு விஜய் படத்தில் இணைந்த ரேவதி