Dinamalar

ஜூனியர் என்.டி.ஆருக்கு ஆஸ்கர் கவுரவம்

உலக புகழ்பெற்ற ஆஸ்கர் அகாடமியின் துணை அமைப்பான அகாடமி ஆப் மோஷன் பிக்சர்ஸ் அண்ட் ஆர்ட்ஸ் என்ற அமைப்பு முன்னணி தெலுங்கு நடிகரான ஜூனியர் என்டிஆரை தனது அமைப்பில் உறுப்பினராக சேர்த்துள்ளது. இந்த அமைப்பில் பிரபல ஹாலிவுட் நடிகர்கள், இயக்குனர்கள் இருக்கிறார்கள். அவர்கள் வரிசையில் ஜூனியர் என்டிஆரும் இடம் பெறுகிறார்.

இதுகுறித்து அகாடமி ஆப் மோஷன் பிக்சர்ஸ் அண்ட் ஆர்ட்ஸ் அமைப்பு வெளியிட்டுள்ள செய்திக்குறிப்பில், "திரைத் துறையில் அர்ப்பணிப்பும், சேவையும் செய்து ரசிகர்களை மகிழ்வித்து வரும் கலைஞர்களை தேர்வு செய்து கவுரவிப்பது எங்களுக்கு பெருமை" என்று குறிப்பிடப்பட்டு உள்ளது. ஜூனியர் என்.டி.ஆருக்கு கிடைத்திருக்கும் இந்த புதிய கவுரவம் அவரது ரசிகர்களுக்கும் மகிழ்ச்சியை அளித்துள்ளது.

தெலுங்கில் முன்னணி நடிகராக இருந்த ஜூனியர் என்டிஆர் 'ஆர்ஆர்ஆர்' படத்தின் மூலம் உலக புகழ்பெற்றார். அவர் ஆடிய ‛நாட்டு நாட்டு' பாடலுக்கு ஆஸ்கர் விருது கிடைத்ததன் மூலம் மேலும் புகழ் அடைந்தார். தற்போது கொரட்டலா சிவா இயக்கும் 'தேவரா' படத்தில் நடித்து வருகிறார். அவருக்கு ஜோடியாக ஜான்வி கபூர் நடிக்கிறார். சைப் அலிகான் வில்லனாக நடிக்கிறார். இதனைத் தொடர்ந்து பிரசாந்த் நீல் இயக்கும் புதிய படத்தில் ஜூனியர் என்.டி.ஆர். நடிக்க உள்ளார்.

• 
  காதல், கனவுகள், மனித தொடர்புகளை 'தோ தீவானே சேஹர் மெய்ன்' பேசும் : ...
• 
  விஜய் பட நடிகைக்கு நேரில் ஆஜராக நீதிமன்றம் பிடி வாரண்ட்
• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்

• 
  'கைதி 2' விரைவில் டீசருடன் அறிவிப்பு
• 
  பெங்களூருவின் புகழ் பெற்ற ஊர்வசி தியேட்டர் நிரந்தர மூடல்
• 
  காமெடி முதல் கிரைம் த்ரில்லர் வரை : இந்த வார ஓடிடி ரிலீஸ்......!
• 
  வாரணாசி-க்கு பின்னணி இசை அமைப்பது எப்போது... : கீரவாணி கொடுத்த அப்டேட்
• 
  'சர்வம் மாயா' நாயகிக்கு பாராட்டுடன் பரிசும் அனுப்பிய சூர்யா ஜோதிகா