Dinamalar

'லியோ' - பரபரப்பு, சர்ச்சைகளுக்கு இனி ஓய்வு

லோகேஷ் கனகராஜ் இயக்கத்தில், அனிருத் இசையமைப்பில், விஜய், திரிஷா, சஞ்சய் தத், அர்ஜுன் மற்றும் பலர் நடிப்பில் இன்று வெளியான படம் 'லியோ'. இப்படத்தின் முதல் சிங்கிள் வெளியானதிலிருந்து நேற்று வரையிலும் தொடர்ந்து ஏதாவது ஒரு சர்ச்சையில் சிக்கி வந்தது. அதுவே படத்திற்கு இலவசமாகவும் பெரிய விளம்பரத்தைத் தேடிக் கொடுத்தது.

படக்குழுவில் லோகேஷ் கனகராஜ் தவிர வேறு யாரும் இந்தப் படத்தின் புரமோஷனுக்காக பெரிய அளவில் அக்கறை செலுத்தவில்லை. விஜய் படம் என்பதாலேயே இந்தப் படத்திற்கு எப்படியும் ரசிகர்கள் வந்து விடுவார்கள் என்ற அதீத நம்பிக்கையில் இருந்தார்கள். படம் வெளியான பின் இருவேறு விதமான விமர்சனங்கள் எழுந்துள்ளது.

லோகேஷ் கனகராஜின் முந்தைய படங்களைப் போல திறமையான திரைக்கதை இந்தப் படத்தில் இல்லை என்று சிலர் விமர்சிக்கிறார்கள். அதே சமயம் விஜய் படம் முழுவதையும் தாங்கிப்பிடித்து விடுகிறார் என்றும் அவரது ரசிகர்கள் கூறி வருகிறார்கள். படம் வெளியானதுமே விதவிதமான மீம்ஸ்களும் வர ஆரம்பித்துவிட்டது.

'ஜெயிலர்' படம் வந்த போது ரஜினிகாந்தை விஜய் ரசிகர்கள் நேரிடையாகவே விமர்சித்தார்கள். ஆனாலும், படம் வசூல் அள்ளியது. இந்நிலையில் இந்தப் படத்திற்காக விஜய்யையும், லோகேஷயும் ரஜினி ரசிகர்கள் விமர்சித்து வருகிறார்கள்.

விஜய்யை வைத்து 'பீஸ்ட்' படம் கொடுத்த நெல்சனை ரஜினிகாந்த் 'ஜெயிலர்' படம் மூலம் காப்பாற்றினார். அது போல விஜய்யை வைத்து 'லியோ' படத்தைக் கொடுத்துள்ள லோகேஷை ரஜினிகாந்த் அவரது 171வது படம் மூலம் காப்பாற்றுவார் என்றும் வெறுப்பேற்றி வருகிறார்கள்.
'லியோ' சர்ச்சை ஓய்ந்தாலும் ரஜினி, விஜய் ரசிகர்கள் சண்டை அடுத்த சில நாட்களுக்கு ஓயாது என்றே தெரிகிறது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்
• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...

• 
  ரஜினி பிறந்தநாளில் ரீ ரிலீஸ் ஆகும் அண்ணாமலை!
• 
  தமிழகம் எனக்கு உறுதுணையாக உள்ளது : நன்றி சொன்ன கமல்
• 
  விஜய்சேதுபதி படத்தில் ராதிகா ஆப்தேவுக்கு பதிலாக நிவேதா தாமஸ்?
• 
  விக்ரம் சுகுமாரன் மறைவுக்குப் பிறகு ஓடிடியில் வெளியான மதயானை கூட்டம்
• 
  அறிவுரை சொல்பவர்கள் முதலில் தாங்கள் ஒழுங்கானவர்களா? : நடிகர் விநாயகன் ...