அக்-20ல் ஒரே நாளில் வெளியாகும் சகோதரிகளின் படங்கள்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

23 செப், 2023 - 03:58 IST

எழுத்தின் அளவு:

Sisters-films-releasing-on-the-same-day-on-Oct-20

பாலிவுட் நடிகை கிர்த்தி சனோன், ஆதிபுருஷ் படத்தில் பிரபாஸுக்கு ஜோடியாக நடித்த பிறகு தென்னிந்திய அளவில் பிரபலமான நடிகையாக மாறிவிட்டார். அந்த படத்தில் சீதையாக நடித்ததற்கு அவருக்கு பாராட்டுக்கள் கிடைத்தாலும் படம் பெரிய அளவில் வரவேற்பை பெறவில்லை. இந்த நிலையில் கிர்த்தி சனோன் நடிப்பில் வரும் அக் 20ஆம் தேதி கணபத் என்கிற படம் வெளியாக இருக்கிறது. சூப்பர் 30 மற்றும் ராஷ்மிகா ஹிந்தியில் அறிமுகமான குட்பை ஆகிய படங்களை இயக்கிய விகாஸ் பால் இந்த படத்தை இயக்கியுள்ளார். இந்த படம் பான் இந்தியா ரிலீஸாக வெளியாகிறது

இது ஒருபக்கம் இருக்க கிர்த்தி சனோனின் சகோதரி நூபுர் சனோன் தெலுங்கில் கதாநாயகியாக நடித்துள்ள டைகர் நாகேஸ்வரராவ் என்கிற படமும் அதே அக்டோபர் 20ஆம் தேதியில் தான் வெளியாகிறது. ரவிதேஜா கதாநாயகனாக நடித்துள்ள இந்தப்படத்தை இயக்குனர் வம்சி இயக்கியுள்ளார். இந்தப் படமும் பான் இந்தியா ரிலீஸாகத்தான் வெளியாகிறது. இப்படி சகோதரிகள் இருவரின் படங்கள் ஒரே நாளில் வெளியாவது ஆச்சரியமான நிகழ்வு தான். இதற்கு முன்னதாக நடிகைகள் அம்பிகா, ராதா சகோதரிகளின் படங்கள் மட்டுமே இதேபோன்று ஒரே நாளில் அதுவும் பலமுறை வெளியானது குறிப்பிடத்தக்கது.

Kritisanon

Nupursanon

கருத்துகள் (0) கருத்தைப் பதிவு செய்ய

அனிமல் படத்திலிருந்து அனில் கபூர் ...

இந்தியாவில் ஹிந்தியில் மட்டும் 500 ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய