பெண்களுக்காக சிறப்புக்காட்சி திரையிடல் : அனுஷ்கா வெளியிட்ட அறிவிப்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

13 செப், 2023 - 10:58 IST

எழுத்தின் அளவு:

Special-Screening-for-Women:-Announcement-by-Anushka

நடிகை அனுஷ்கா நடிப்பில் ஒரு சிறிய இடைவெளிக்குப் பிறகு சமீபத்தில் வெளியாகி உள்ள படம் ‛மிஸ் ஷெட்டி மிஸ்டர் பொலிஷெட்டி'. கதாநாயகனாக நவீன் பொலிஷெட்டி நடித்துள்ள இந்த படத்தை அறிமுக இயக்குனர் மகேஷ்பாபு என்பவர் இயக்கியுள்ளார். திருமணம் ஆகாமலேயே குழந்தை பெற்றுக் கொள்ள நினைக்கும் ஒரு பெண்ணின் முயற்சியும் ஆண்துணை வாழ்க்கையில் தேவையா இல்லையா என்பதை அவர் இறுதியில் எப்படி உணர்ந்து கொள்கிறார் என்பதையும் மையப்படுத்தி இந்த படம் உருவாகி இருக்கிறது. ரசிகர்களிடமும் ஓரளவுக்கு இந்த படம் பாராட்டுகளை பெற்று வருகிறது.

இந்தநிலையில் ஆந்திரா மற்றும் தெலங்கானா மாநிலங்களில் உள்ள குறிப்பிட்ட சில தியேட்டர்களில் பெண்களுக்காக சிறப்பு காலைக் காட்சி ஒன்று செப்டம்பர் 14ஆம் தேதி (நாளை) திரையிட ஏற்பாடு செய்துள்ளது. இது குறித்த அறிவிப்பை தனது இன்ஸ்டாகிராம் பக்கத்தில் வெளியிட்டுள்ளார் அனுஷ்கா. இந்த படத்தை பெண்களுடன் கொண்டாட வேண்டும் என்பதற்காகவே இந்த சிறப்புக் காட்சி திரையிடப்படுகிறது. இரண்டு மாநிலங்களில் உள்ள குறிப்பிட்ட நகரங்களில் கிட்டத்தட்ட 20 தியேட்டர்களில் இந்த படத்தின் காலை சிறப்புக் காட்சி திரையிடப்படுகிறது என்கிற பட்டியலையும் அவர் வெளியிட்டுள்ளார்.

Anushkashetty

MissshettyMrpolishetty

கருத்துகள் (0) கருத்தைப் பதிவு செய்ய

கீர்த்தி பாண்டியனை கரம்பிடித்த ...

மறக்குமா நெஞ்சம் இசை நிகழ்ச்சி : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய