Dinamalar

ரீமேக் என்ற பெயரில் 'வேதாளம்' படத்தைக் கெடுத்த 'போலா சங்கர்' குழு

சிவா இயக்கத்தில், அனிருத் இசையமைப்பில், அஜித், லட்சுமி மேனன், ஸ்ருதிஹாசன் மற்றும் பலர் நடித்து 2015ல் வெளிவந்த படம் 'வேதாளம்'. அஜித்தின் திரையுலக வரலாற்றில் அதிக வசூலைப் பெற்ற படங்களில் அந்தப் படமும் ஒன்று. அந்தப் படத்தின் வெற்றிக்குப் பல காரணங்கள் இருந்தன. அஜித்தின் நடிப்பு, திரைக்கதையில் திருப்புமுனைகள், தங்கை கதாபாத்திரம், பிளாஷ்பேக் காட்சிகள் என எத்தனையோ சொல்லலாம்.

அந்தப் படத்தைத் தெலுங்கு ரசிகர்களும் ரசிக்க வேண்டும் என்ற நோக்கத்தில் ரீமேக் செய்ய விரும்பி நடித்தார் சிரஞ்சீவி. மெஹர் ரமேஷ் இயக்கத்தில் கடந்த வாரம் வெளிவந்த அந்தப் படம் படுதோல்வியைச் சந்தித்துள்ளது. தமிழில் இருந்த பல முக்கியமான விஷயங்களை தெலுங்கில் மாற்றியதுதான் படத்தின் தோல்விக்குக் காரணம் என தெலுங்கு விமர்சகர்களே குற்றம் சாட்டியுள்ளார்கள்.

சிரஞ்சீவியின் ஹீரோயிசம், தங்கை கதாபாத்திரத்தில் எடுபடாத கீர்த்தி சுரேஷ் என சில விஷயங்கள் படத்தின் வெற்றியைக் குலைத்திருக்கின்றன. தமிழில் ரஜினியின் தங்கையாக கீர்த்தி சுரேஷ் நடித்த 'அண்ணாத்த' படம் தோல்வியடைந்தது. அது போல தெலுங்கில் சிரஞ்சீவியின் தங்கையாக கீர்த்தி சுரேஷ் நடித்த 'போலா சங்கர்' படமும் தோல்வியடைந்துள்ளது.

சிரஞ்சீவி மீண்டும் நடிக்க வந்த பிறகு அவர் நடித்த நேரடித் தெலுங்குப் படங்களுக்கு தெலுங்கு ரசிகர்கள் ஓரளவாவது வரவேற்பு தந்தார்கள். அதே சமயம் அவர் நடித்த ரீமேக் படங்களான 'காட்பாதர், போலா சங்கர்' ஆகியவற்றிற்கு ரசிகர்களிடம் வரவேற்பு இல்லை. ரீமேக் படங்களில் மீண்டும் நடிப்பதை சிரஞ்சீவி 'ரீதிங்க்' செய்ய வேண்டும் என பெரும்பாலான விமர்சகர்கள் தெரிவித்துள்ளார்கள்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  இந்த ஆண்டில் திரிஷா நடிப்பில் ஆறு படங்கள் ரிலீஸ்
• 
  பேட்ட படத்திற்கு பிறகு ரெட்ரோ படம் தான் : கார்த்திக் சுப்பராஜ்
• 
  சுந்தர்.சி இயக்கத்தில் கார்த்தி உறுதி
• 
  முதல் முறையாக ஜோடி சேரும் துல்கர் சல்மான், பூஜா ஹெக்டே
• 
  அஜித் வைத்த நம்பிக்கை குறித்து நெகிழ்ந்த அர்ஜுன் தாஸ்