மலையாளப் படத்தில் மீண்டும் நடிக்கும் த்ரிஷா : வரவேற்ற டொவினோ தாமஸ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

மலையாளப் படத்தில் மீண்டும் நடிக்கும் த்ரிஷா : வரவேற்ற டொவினோ தாமஸ்

08 ஜூலை, 2023 - 03:33 IST

எழுத்தின் அளவு:

தமிழ், தெலுங்கில் கடந்த 20 ஆண்டுகளுக்கும் மேலாக முன்னணி நடிகையாக இருப்பவர் த்ரிஷா. தமிழ், தெலுங்கைத் தவிர ஹிந்தி, கன்னடம், மலையாளம் ஆகியவற்றில் தலா ஒரு படத்தில் நடித்திருக்கிறார். மலையாளத்தில் 2018 ஆண்டு வெளிவந்த 'ஹே ஜுட்' என்ற படத்தில் நிவின் பாலி ஜோடியாக நடித்தார்.

ஐந்தாண்டு இடைவெளிக்குப் பிறகு மீண்டும் மலையாளத்தில் நடிக்க உள்ளார். மலையாளத்தில் இந்தாண்டு வெளிவந்து பெரும் வரவேற்பையும், வசூலையும் பெற்ற '2018' படத்தில் கதாநாயகன் டொவினோ தாமஸ் கதாநாயகனாக நடிக்கும் 'ஐடின்டிட்டி' என்ற படத்தில் த்ரிஷா நடிப்பதாக இன்று(ஜூலை 8) அதிகாரப்பூர்வமாக அறிவித்துள்ளார்கள். அகில் பால் - அனஸ்கான் இணைந்து இயக்க உள்ள படம் இது.

இப்படத்தில் நடிக்க உள்ள த்ரிஷாவை வரவேற்று டொவினோ தாமஸ், “த்ரிஷாவுடன் ஒரு அற்புதமான படத்தில் நடிக்க கை கோர்ப்பது உற்சாகமானது. மறக்க முடியாத பயணத்திற்குத் தயாராகுங்கள். மிகவும் உற்சாகமான படப்பிடிப்பிற்காகக் காத்திருக்கிறேன். நிறைய ஆக்ஷன் காட்சிகள் உள்ளன,” என்று குறிப்பிட்டுள்ளார்.

“அதிகமான ஆக்ஷன் காட்சிகள் கொண்ட இந்தப் படத்தில் இக்குழுவுடன் இணைவது உற்சாகமாக உள்ளது,” என்று த்ரிஷா தெரிவித்துள்ளார்.

Trisha

Identity

Tovinothomas

கருத்துகள் (0) கருத்தைப் பதிவு செய்ய

தெலுங்கில் அறிமுகமாகும் தர்ஷனா

ஸ்டைலிஷ் லுக்கிற்கு மாறிய சூரி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய