Dinamalar

கவுதம் மேனன் தான் கமல்ஹாசனின் 'ரசிக இயக்குனர்' - லோகேஷ் கனகராஜ்

தமிழ் சினிமா உலகில் பலரும் நடிகர் கமல்ஹாசனின் ரசிகர்கள். தங்களை அவரது ரசிகர்கள் என்று சொல்லிக் கொள்வதில் அவர்கள் எந்தவிதத் தயக்கமும் காட்டியதில்லை. கமல்ஹாசனுக்கு 'விக்ரம்' படம் மூலம் பெரும் வசூலையும், வெற்றியையும் தேடித் தந்த இயக்குனர் தன்னை கமல்ஹாசனின் ரசிகர் என்பதை பலமுறை குறிப்பிட்டுள்ளார். கமல்ஹாசனின் ரசிகராக மட்டுமல்லாது அவரை மாறுபட்ட கோணத்தில் காட்டிய ஒரு 'ரசிக இயக்குனர்' என்றும் சொல்லலாம்.

கமல்ஹாசன் நடித்து கவுதம் மேனன் இயக்கத்தில் வெளிவந்த 'வேட்டையாடு விளையாடு' படம் கடந்த வாரம் ரீ-ரிலீஸ் ஆகி தற்போது இரண்டாவது வாரத்திலும் வெற்றிகரமாக ஓடிக் கொண்டிருக்கிறது. அதைக் குறிப்பிட்டு கமல்ஹாசன் ரசிகர் ஒருவர், கமல்ஹாசனின் ரசிக இயக்குனர்களில் முதலிடத்தைப் பிடித்தது கவுதம் மேனன்தான், மன்னிக்கவும் லோகேஷ் கனகராஜ் ப்ரோ” என டுவிட்டரில் ஒரு பதிவிட்டிருந்தார்.

அந்த டுவிட்டருக்கு லோகேஷ் கனகராஜ், “டவுட்டே வேணாம் ப்ரோ, கவுதம் சார் தான்” என பதிலளித்துள்ளார். ஆனால், இயக்குனர் கவுதம் மேனன், “இருந்தேன்….நீங்கள் வரும் வரை, 'நாயகன் மீண்டும் வரான்' வரும் வரை…விக்ரம்..நான் முயற்சி செய்து அதற்கு மேலும் உயர வேண்டும். இது ஒரு நல்ல சவாலாக இருக்கும் லோகேஷ்…ஆனா, இந்த சண்டையில சட்டை கிழியாது…வெறும் அன்பு மட்டுமே,” என லோகேஷுக்கு பதில் தெரிவித்துள்ளார்.

கவுதமின் பதிலுக்கு, “நிறைய அன்பும், மரியாதையும் உங்கள் மீது…இப்போது வரை 'வேட்டையாடு விளையாடு' படத்தின் ரிரிலீசுக்குக் கிடைத்துள்ள வரவேற்பில் சிலிர்ப்பும், உற்சாகமும் கிடைக்கிறது. அதிகமான அன்பும், சக்தியும் நமது உலகநாயகன் கமல்ஹாசன் சாருக்கு, அன்பே சிவம்,” என லோகேஷ் நன்றி தெரிவித்து பதிலளித்துள்ளார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்