Dinamalar

ஜூனியர் என்.டி.ஆரின் பிறந்தநாளை முன்னிட்டு 1000 திரைகளில் ரீ ரிலீஸாகும் சிம்மாத்ரி

ஆர்ஆர்ஆர் படத்தின் மிகப்பெரிய வெற்றிக்கு பிறகு, குறிப்பாக அந்த படத்திற்கு ஆஸ்கர் விருது கிடைத்த பிறகு அதில் நடித்த ராம்சரண் மற்றும் ஜூனியர் என்டிஆர் இருவருமே உலக அளவில் தெரிந்த நடிகர்கள் ஆகிவிட்டார்கள். தெலுங்கு திரையுலகிலும் முன்னை விட இருவருக்கும் மாஸ் கூடியுள்ளது. இந்த நிலையில் நாளை (மே-20) ஜூனியர் என்டிஆர் தனது 41வது பிறந்தநாளில் அடியெடுத்து வைக்கிறார். இதனைத் தொடர்ந்து இவரது பிறந்தநாளை மிகவும் விமரிசையாக கொண்டாட அவரது ரசிகர்கள் திட்டமிட்டுள்ளனர்

அந்த வகையில் கடந்த 20 வருடங்களுக்கு முன்பு ராஜமவுலி இயக்கத்தில் முதன்முறையாக ஜூனியர் என்டிஆர் நடித்து வெளியாகி மிகப்பெரிய வெற்றியைப் பெற்ற சிம்மாத்ரி படத்தை ரீ ரிலீஸ் செய்து திரையிட உள்ளனர். இதற்கு முந்தைய வருடங்கள் வரை ஜூனியர் என்.டி.ஆரின் பிறந்த நாளில் அவரது ஹிட் படங்கள் ரீ ரிலீஸ் செய்யப்பட்டு வந்தாலும் குறைந்த எண்ணிக்கையிலான திரையரங்குகளிலேயே ரசிகர்களின் திருப்திக்காக ரிலீஸ் செய்யப்பட்டது.

ஆனால் இந்த முறை சிம்மாத்ரி திரைப்படத்தை ஆந்திரா மற்றும் தெலுங்கானாவில் 1000 திரைகளில் திரையிட இருக்கிறார்களாம். 20 வருடங்களுக்கு முன்பு வெளியான ஒரு படம் இப்படி ஆயிரம் திரைகளில் ரீ ரிலீஸ் செய்து திரையிடப்படுவது இதுதான் முதல் முறை என்கிறார்கள். வெறுமனே ஜூனியர் என்டிஆர் படமாக மட்டுமல்லாமல் ராஜமவுலி டைரக்சனில் இந்த படம் உருவாகி இருப்பதால் தான் இத்தனை காட்சிகள் வெளியிடுவதற்கு திட்டமிட்டுள்ளார்களாம்.

• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே

• 
  பிரித்விராஜ் படத்தை ஓவர்டேக் செய்யும் சிறிய நடிகரின் படம்
• 
  சிறையில் இருக்கும் நிலையில் நடிகர் தர்ஷினின் பட ரிலீஸ் தேதி அறிவிப்பு
• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை
• 
  எங்களைப் பொறுத்தவரை உபேந்திரா தெலுங்கின் சூப்பர் ஹீரோ தான் : ராம் ...