Dinamalar

உலக அழகி பட்டம் பெறும் போது தன் கணவரின் வயது பற்றி பகிர்ந்த பிரியங்கா சோப்ரா

பாலிவுட் நடிகையான பிரியங்கா சோப்ரா தற்போது ஹாலிவுட் படங்களில் நடித்து வருகிறார். இவர் கடந்த 2000ம் ஆண்டில் உலக அழகிப் பட்டம் வென்றார். கடந்த 2018ம் ஆண்டில் உலகளவில் அதிக சம்பளம் பெறுவர்களில் ஒருவரான பிரபல பாப் பாடகர் நிக் ஜோனாஸை திருமணம் செய்து கொண்டு இப்போது அமெரிக்காவில் வாழ்ந்து வருகிறார் பிரியங்கா சோப்ரா. சில நாட்களுக்கு முன்பு பாலிவுட் நடிகை மற்றும் அவரது தங்கையுமான பரினீதி சோப்ராவின் திருமண நிச்சயதார்த்தத்தில் கலந்து கொள்ள இந்தியா வந்தார்.

தனது மாமியார் தன்னிடம் கூறிய ஒரு சம்பவத்தை பகிர்ந்துள்ளார் பிரியங்கா. அது குறித்து அவர் கூறியதாவது: "கடந்த 2000ம் ஆண்டு லண்டனில் நான் உலக அழகிப் பட்டம் வென்றேன். அப்போது எனக்கு 18 வயது ஆகியிருந்தது. அந்த நிகழ்வு குறித்து என்னிடம் பேசிய என் மாமியார், “நீ வென்றபோது உன்னை நாங்கள் தொலைகாட்சியில் பார்த்தது எனக்கு நினைவிருக்கிறது. உலக அழகி போட்டியின் போது டி.வியில் நேரடி ஒளிபரப்பு செய்தனர். அந்த நிகழ்ச்சியை காண என்னுடன் நிக் ஜோனாசும் சேர்ந்து அமர்ந்து பார்த்துக் கொண்டிருந்தான். அந்த சமயத்தில், அவனுக்கு 8 வயது தான் இருக்கும்" என்று என்னிடம் கூறினார்.

இவ்வாறு பிரியங்கா சோப்ரா கூறினார்.

• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி
• 
  அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : ...
• 
  பிளாஷ்பேக்: நடிகையை திருமணம் செய்த முதல் இயக்குனர்

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்