Dinamalar

அண்ணனுடன் 'மிஸ்' ஆன வாய்ப்பு : தம்பி கார்த்தியோடு ஜோடி சேர்ந்த கிரித்தி ஷெட்டி

பாலா இயக்கத்தில், சூர்யா கதாநாயகனாக நடிக்க ஆரம்பமான 'வணங்கான்' படத்தில் தெலுங்கு நடிகையான கிர்த்தி ஷெட்டி கதாநாயகியாக ஒப்பந்தமாகி படப்பிடிப்பிலும் கலந்து கொண்டார். ஆனால், பாலா, சூர்யா இடையே மோதல் ஏற்பட்டதால் அப்படத்திலிருந்து சூர்யா விலகினார். கதையிலும் மாற்றம் ஏற்பட்டதால் கிர்த்தியும் நடிக்க முடியாமல் போனது. தற்போது அப்படத்தில் அருண் விஜய் நடித்து வருகிறார்.

தமிழில் 'த வாரியர்' படம் மூலம் கடந்த வருடம் அறிமுகமானார் கிர்த்தி. ஆனால், அந்தப் படம் இங்கு ஓடவில்லை. அடுத்து முன்னணி நடிகரான சூர்யாவுடன் ஜோடியாக நடிக்கலாம், தமிழிலும் தடம் பதிக்கலாம் என நினைத்திருந்த கிரித்திக்கு அந்த வாய்ப்பும் எதிர்பாராமல் பறிபோனது. இப்போது சூர்யாவின் தம்பி கார்த்தியோடு ஜோடி சேரும் வாய்ப்பு வந்ததும் உடனடியாக நடிக்க சம்மதம் சொல்லிவிட்டார்.

நலன் குமாரசாமி இயக்கி வரும் இப்படத்தின் படப்பிடிப்பு சைலன்ட்டாக ஆரம்பமாகி நடந்து வருகிறது. அதில் கலந்து கொண்டு கிர்த்தியும் நடித்து வருகிறாராம். வெங்கட் பிரபு இயக்கத்தில் தமிழ், தெலுங்கில் உருவாகியுள்ள 'கஸ்டடி' படத்திலும் கிர்த்திதான் கதாநாயகி. அடுத்து ஜெயம் ரவி நடிக்க உள்ள 'ஜீனி' படத்திலும் நடிக்க உள்ளார் எனத் தெரிகிறது.

• 
  கீதா கோவிந்தம் படத்துக்கு முன்பே நண்பர்களாக இருந்த விஜய் தேவரகொண்டா ...
• 
  மர்தாணி 3க்கு தயாராகும் ராணி முகர்ஜி
• 
  போலி ஆபாச வீடியோவில் அடுத்து சிக்கிய ஆலியா பட்
• 
  இங்கு 'ஜவான்' ஓடுகிறது, ஹிந்தியில் 'ஜெயிலர்' ஓடுகிறது : ரன்பீர் கபூர் ...
• 
  பாலிவுட் இயக்குனர் ராஜ்குமார் கோலி காலமானார்

• 
  விஜயகாந்த் உடல்நிலை சீராக இல்லை : மருத்துவமனை அறிக்கை
• 
  வருத்தம் தெரிவிக்கிறேன் : பேட்டியில் ஆரம்பித்து அறிக்கையில் முடித்து ...
• 
  த்ரிஷாவிடம் மன்னிப்பு கேட்கவில்லை : மன்சூர் அலிகான் அடித்த அந்தர் பல்டி
• 
  நானி படத்திற்காக ஸ்ருதிஹாசன் உடன் இணைந்து பாடிய துருவ் விக்ரம்
• 
  'பருத்தி வீரன்' பஞ்சாயத்து முழு கணக்கு விவரம்…