Dinamalar

தடை நீக்கம் : நாளை திட்டமிட்டபடி 'ருத்ரன்' ரிலீஸ்

கதிரேசன் தயாரிப்பு, இயக்கத்தில் ராகவா லாரன்ஸ், பிரியா பவானி சங்கர் மற்றும் பலர் நடித்துள்ள படம் 'ருத்ரன்'. நாளை(ஏப்., 14) வெளியாவதாக அறிவிக்கப்பட்டிருந்த இப்படத்தின் வெளியீட்டை எதிர்த்து, அப்படத்தின் ஹிந்தி டப்பிங், மற்றும் வட இந்திய மொழிகளின் டப்பிங் உரிமையை வாங்கியிருந்த ரெவன்சா குளோபல் வென்ச்சர்ஸ் என்ற நிறுவனம் நீதிமன்றத்தில் இடைக்காலத் தடை உத்தரவை வாங்கியிருந்தது.

தயாரிப்பாளர் மேற்கொண்டு 4 கோடி ரூபாயைக் கேட்டதால் அந்த வழக்கு தொடரப்பட்டிருந்தது. வழக்கை விசாரித்த நீதிமன்றம் இம்மாதம் 24ம் தேதி வரை படத்தை வெளியிட இடைக்காலத் தடை விதித்தது. இதை எதிர்த்து தயாரிப்பாளர் மேல்முறையீடு செய்தார்.

இந்நிலையில் தயாரிப்பாளர் தரப்பின் மேல் முறையீட்டை விசாரணைக்கு எடுத்துக் கொண்ட நீதிமன்றம் இடைக்காலத் தடையை நீக்கி உத்தரவிட்டது. ஹிந்தி டப்பிங் ரைட்ஸிற்கும், படத்தை தியேட்டரிலோ, ஓடிடியிலோ வெளியிட எந்த சம்பந்தபமும் இல்லை என்பதை சுட்டிக் காட்டிய தயாரிப்பாளர் கதிரேசன் தரப்பு அதற்கான ஒப்பந்தத்தையும் காண்பித்துள்ளனர். அதை ஏற்று தடையை நீக்கி நீதிமன்றம் உத்தரவிட்டது. எனவே, 'ருத்ரன்' படம் நாளை திட்டமிட்டபடி வெளியாக உள்ளது.

இதையடுத்து 'தடைகளை வென்ற ருத்ரன்' என தயாரிப்பு நிறுவனம் அதிகாரப்பூர்வமாக அறிவித்துள்ளது. 'தர்மம் தலை காக்கும்' என படத்தின் நாயகன் ராகவா லாரன்ஸும் டுவீட் செய்துள்ளார்.

• 
  அமீர்கான் மகன், சாய் பல்லவி படத்தின் புதிய தலைப்பு மற்றும் ரிலீஸ் தேதி ...
• 
  ஹிந்தியில் ரீமேக் ஆகும் அருந்ததி கதையின் நாயகி யார் தெரியுமா?
• 
  அதிக சலுகைகள் பெறும் நடிகர்கள்: ஆமிர்கான் காட்டம்
• 
  'மிராய்' பட்ஜெட் 60 கோடிதானா?
• 
  ரயிலில் இருந்து குதித்த நடிகை படுகாயம்: ஆஸ்பத்திரியில் அனுமதி

• 
  முதல்வரின் வேண்டுகோளை கண்டிப்பா நிறைவேற்றுவேன்: இளையராஜா
• 
  மதராஸி, லோகா படங்களின் பாக்ஸ் ஆபீஸ் தகவல் வெளியானது!
• 
  'கிஸ்' படத்தில் கதை சொல்லியாக குரல் கொடுத்த விஜய் சேதுபதி!
• 
  கும்கி- 2 படத்தின் புதிய போஸ்டரை வெளியிட்ட பிரபு சாலமன்!
• 
  ஓடிடியிலும் விமர்சனங்களை சந்தித்த கூலி!