Dinamalar

ஒரு வார இடைவெளியில் ஒரே கதையில் வெளியான வரலட்சுமி - ரஜிஷா விஜயன் படங்கள்

இந்த வாரம் தமிழில் வரலட்சுமி நடிப்பில் தயாள் பத்மநாபன் இயக்கத்தில் கொன்றால் பாவம் என்கிற படம் வெளியாகி உள்ளது. தமிழகத்தைச் சேர்ந்த இயக்குனரான தயாள் பத்மநாபன் கன்னடத்தில் பல படங்களை இயக்கி விட்டு முதன்முறையாக தமிழுக்கு வந்துள்ளார். இதே படத்தை கன்னடத்திலும் தெலுங்கிலும் இயக்கி வெற்றியை பெற்று விட்டு தற்போது தமிழில் கொன்றால் பாவம் என்கிற பெயரில் ரீமேக் செய்து இயக்கியுள்ளார். படத்தின் கதையம்சமும் கதையை நகர்த்திச் சென்ற விதமும் ஓரளவுக்கு ரசிகர்களின் வரவேற்பை பெற்றுள்ளது.

இந்த நிலையில் மலையாளத்தில் பகலும் பாதிராவும் என்கிற படம் கடந்த மார்ச் 3ம் தேதி வெளியானது. குஞ்சாகோ போபன், ரஜிஷா விஜயன், குரு சோமசுந்தரம், ஜெய்பீம் புகழ் தமிழ், நடிகை சீதா ஆகியோர் இந்த படத்தில் நடித்துள்ளனர். இதில் ஆச்சர்யம் என்னவென்றால் இந்த இரண்டு படங்களின் கதையும் ஒன்றே. கவனித்து பார்க்கும்போதுதான் அந்த படத்தின் டைட்டில் கார்டிலும் கதை தயாள் பத்மநாபன் என குறிப்பிடப்பட்டுள்ளது தெரிய வருகிறது.

அதே சமயம் இந்த படத்தை மலையாளத்தில் மம்முட்டியை வைத்து கமர்சியல் படங்களை இயக்கிய அஜய் வாசுதேவ் இயக்கியுள்ளார். சொல்லப்போனால் கமர்சியல் அம்சங்களை சேர்க்கும் தமிழ் சினிமாவில் இந்த கதை அப்படியே எதார்த்தமாக எடுக்கப்பட்டிருக்க, அப்படியே உல்டாவாக மலையாளத்தில் அதிரடி போலீஸ், மிரட்டல் ரவுடி, சண்டை காட்சிகள் என மசாலா கலந்து எடுத்திருக்கிறார்கள்.

தமிழில் வரலட்சுமி காட்டிய அதே வில்லத்தனத்தை மலையாளத்தில் ரஜிஷா விஜயன் காட்டி நடித்துள்ளார். அதே சமயம் தமிழில் இந்த படத்திற்கு பாராட்டுக்கள் கிடைத்து வருகின்றன. மலையாளத்தில் இந்த படத்தை ரசிகர்கள் படுமோசமாக விமர்சித்து வருகின்றனர். பொதுவாக மற்ற மொழிகளில் இருந்து மலையாளத்தில் ரீமேக் செய்யப்படும் படங்கள் தோல்வியையே தழுவி இருக்கின்றன. அந்த பட்டியலில் இந்த பகலும் பாதிராவும் படமும் இடம்பிடித்து உள்ளது.

• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது
• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்

• 
  நள்ளிரவில் சுவாசிகாவுக்கு மெசேஜ் அனுப்பி சந்தேகம் கேட்ட ஐஸ்வர்ய லட்சுமி
• 
  அப்பா உடன் நடிக்க நான் ரெடி : ஸ்ருதிஹாசன்
• 
  பராசக்தி படப்பிடிப்பு நிறுத்தப்பட்டதா? : இயக்குனர் சுதா விளக்கம்
• 
  ரூ.75 கோடி வசூலைக் கடந்த டூரிஸ்ட் பேமிலி
• 
  23 ஆண்டுகளுக்கு பிறகு விஜய் படத்தில் இணைந்த ரேவதி