Dinamalar

500 மில்லியனைக் கடந்த 'அரபிக்குத்து'

தமிழ்த் திரைப்படமான 'மாரி 2' படத்தில் யுவன்ஷங்கர் ராஜா இசையில் இடம் பெற்ற 'ரௌடி பேபி' பாடல் யு டியூபில் 1400 மில்லியன் பார்வைகளைக் கடந்து தென்னிந்திய சினிமா பாடல்களில் முதலிடத்தில் உள்ளது. இப்போதும் அந்தப் பாடலை தினமும் சில லட்சம் பேர் பார்த்துக் கொண்டுதான் இருக்கிறார்கள்.

தெலுங்குத் திரைப்படப் பாடலான 'அலா வைகுந்தபுரம்லோ' படத்தின் தமன் இசையில் இடம் பெற்ற 'புட்ட பொம்மா' பாடல் 800 மில்லியன் பார்வைகளைக் கடந்து இரண்டாவது இடத்திலும், அதே படத்தில் இடம் பெற்ற மற்றொரு பாடலான 'ராமுலு ராமுலா' பாடல் 565 மில்லியன் பார்வைகளைப் பெற்று மூன்றாம் இடத்தில் உள்ளது. 'புஷ்பா' தெலுங்குப் படத்தில் இடம் பெற்ற 'ஸ்ரீவள்ளி' பாடல் 561 மில்லியன் பார்வைகளைப் பெற்று நான்காம் இடத்தில் இருக்கிறது.

தென்னிந்தியத் திரைப்படப் பாடல்களில் நான்கு பாடல்கள் மட்டுமே 500 மில்லியன் பார்வைகளைக் கடந்த பாடல்களாக இருந்தன. அதிலும் ஒரே ஒரு தமிழ்ப் பாடல் மட்டுமே இதுவரையில் இடம் பெற்றிருந்தது. இப்போது இரண்டாவது பாடலாக 500 மில்லியன் பார்வைகளைக் கடந்த பாடலாக 'பீஸ்ட்' படத்தில் அனிருத் இசையில் இடம் பெற்ற 'அரபிக்குத்து' பாடல் இடம் பிடித்துள்ளது. ஒரு வருடத்திற்குள்ளாகவே இந்தப் பாடல் 500 மில்லியன் பார்வைகளைப் பெற்றது குறிப்பிட வேண்டிய ஒன்று.

இருப்பினும் 'மாரி 2' படத்தில் இடம் பெற்ற 'ரௌடி பேபி' பாடல் 150 நாட்களில் 500 மில்லியன் பார்வைகளை சாதனை படைத்ததை 'அரபிக்குத்து' பாடலால் முறியடிக்க முடியவில்லை.

• 
  என் விளக்கத்தை அக்ஷய் குமார் படித்தால் பிரச்னை முடிவுக்கு வந்துவிடும் ; ...
• 
  உருவ கேலி செய்தவர்களுக்கு ஐஸ்வர்யா ராய் கொடுத்த பதிலடி!
• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது

• 
  25வது நாளில் அடியெடுத்து வைத்த 'டூரிஸ்ட் பேமிலி'
• 
  ஹீரோக்களின் உதவியாளர்கள் கதை கேட்பதை முதலில் நிறுத்த வேண்டும் ; ஆர்கே ...
• 
  'அஞ்சலி' படம் பார்த்து அழுத சிலம்பரசன்
• 
  பிரபாஸ் அமைதியானவர் அல்ல, கலகலப்பானவர்! -மாளவிகா மோகனன்
• 
  திரைப்படங்களை திருட்டுப் பதிவிறக்கம் செய்யாதீர்கள்! - நடிகர் சூரி ...