Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

ஒரே வாரத்தில் 5 சர்ச்சைகளில் சிக்கிய விஜய்

26 நவ, 2022 - 18:21 IST
எழுத்தின் அளவு:
Vijay-faced-5-controversies-in-a-week

நடிகர் விஜய் நடித்த வாரிசு திரைப்படம் வரும் 2023 ஜனவரி பொங்கல் பண்டிகை ரிலீசாக வெளியாவதற்கு தயாராகி வருகிறது. முதன்முறையாக விஜய் தெலுங்கில் நடித்துள்ளதால் அங்கேயும் இந்த படம் பிரம்மாண்டமாக ரிலீஸாகும் என சொல்லப்பட்டு வந்தது. அதே சமயம் கடந்த வாரம் தெலுங்கு தயாரிப்பாளர் சங்கம், பண்டிகை நாட்களில் நேரடி தெலுங்கு படத்துக்கு மட்டுமே ரிலீசில் முன்னுரிமை கொடுக்கப்படும் என அறிவித்ததால் வாரிசு படத்திற்கு எதிர்பார்த்த அளவு திரையரங்குகள் கிடைக்காது என ஒரு பரபரப்பு ஏற்பட்டது.

இது தமிழிலும் வழக்கமாக இதுபோல தெலுங்கு படங்கள் வெளியாகும்போது உள்ள நடைமுறை தான் என்றாலும், ஏதோ விஜய் படத்தை பொங்கலன்று வெளியிடவே தடை விதித்து விட்டது போல இங்குள்ளவர்கள் சிலர் அவருக்கு ஆதரவாக குரல் கொடுக்க ஆரம்பித்தார்கள். இது ஒரு பக்கம் இருக்க, இங்கே தமிழகத்தில் துணிவு படத்தை ரெட் ஜெயன்ட் நிறுவனம் வெளியிடுவதால் அந்தசமயத்தில் வெளியாகும் வாரிசு படத்திற்கு எதிர்பார்த்த அளவிற்கு தியேட்டர்கள் கிடைக்க வாய்ப்பில்லை என்றும் இங்கேயும் ஒரு பரபரப்பைக் கிளப்பினார்கள். அதற்கு உதயநிதி ஸ்டாலின் இரண்டு படங்களுக்குமே சம முக்கியத்துவம் கொடுக்கப்படும் எனக்கூறி அந்த சர்ச்சைக்கு முற்றுப்புள்ளி வைத்தார்.

இப்படி இரண்டு பக்கமும் ஒரு பிரச்சனை ஓடிக்கொண்டிருக்கும் சூழலில் குறிப்பிட்ட சில மாவட்டங்களை சேர்ந்த தனது விஜய் மக்கள் இயக்கத்தைச் சேர்ந்த ரசிகர்களை கடந்த ஞாயிற்றுக்கிழமை அன்று நேரில் சந்தித்தார் விஜய். அதேசமயம் அவரது மன்ற பொதுச்செயலாளரான புஸ்ஸி ஆனந்த் என்பவரின் கால்களை தொட்டு விஜய் ரசிகர்கள் வணங்கிய நிகழ்வு மிகப்பெரிய சர்ச்சையை ஏற்படுத்தியது. அதைத் தொடர்ந்து நடிகர் விஜய் தனது மன்ற பொதுச்செயலாளரை அழைத்து அவரது செயலுக்காக கடிந்து கொண்டதாகவும் ஒரு தகவல் வெளியானது.

இந்த பரபரப்பு அடங்குவதற்குள் விஜய் தனது காருக்கு விதிகளை மீறி கருப்பு நிற ஸ்டிக்கர் ஒட்டியதாக அவருக்கு போக்குவரத்து துறை 500 ரூபாய் அபராதம் விதித்த நிகழ்வும் நடந்தது. இதை அடுத்து மறுநாளே சென்னையில் நடைபெற்று வரும் அவரது வாரிசு படப்பிடிப்பில் முறையான அனுமதி இன்றி யானைகள் பயன்படுத்தப்பட்டு படப்பிடிப்பு நடப்பதாக கூறி அதிகாரிகள் படப்பிடிப்பை தடுத்து நிறுத்தியதாகவும், அதை படம்பிடிக்க சென்ற செய்தியாளர்கள் விஜய் ரசிகர்களால் தாக்கப்பட்டதாகவும் விலங்குகள் நல வாரியம் தயாரிப்பு நிறுவனத்திற்கு நோட்டீஸ் அனுப்பியதாகவும் இன்னொரு அதிர்ச்சித் தகவல் வெளியானது.

அந்த வகையில் இந்த ஒரு வாரத்திற்குள்ளாகவே கிட்டத்தட்ட ஐந்து விதமான எதிர்மறை விஷயங்களில் விஜய்யின் பெயர் தொடர்ந்து அடிபட்டு கொண்டே வருகிறது. இதில் அவர் தனது காருக்கு கருப்பு கண்ணாடி ஸ்டிக்கர் ஒட்டியதை தவிர மற்ற நிகழ்வுகள் எல்லாமே அவரை சார்ந்தவர்களால் தெரிந்தோ தெரியாமலோ அவருக்கு எதிர்மறையாக அமைந்துவிட்ட நிகழ்வுகள் என்பது குறிப்பிடத்தக்கது.

Advertisement
கருத்துகள் (5) கருத்தைப் பதிவு செய்ய
லால் சலாம் படத்திற்காக  மெட்டு போடும் ரஹ்மான்லால் சலாம் படத்திற்காக மெட்டு ... 'நாய் சேகர் ரிட்டர்ன்ஸ்' : வடிவேலு பாடிய இரண்டாவது பாடல் வெளியீடு 'நாய் சேகர் ரிட்டர்ன்ஸ்' : வடிவேலு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (5)

Siva - Aruvankadu,இந்தியா
27 நவ, 2022 - 06:37 Report Abuse
Siva ஓசி விளம்பரம். பல லட்சம் மிச்சம்.
Rate this:
Mani . V - Singapore,சிங்கப்பூர்
27 நவ, 2022 - 04:59 Report Abuse
Mani . V வெளிநாட்டில் இருந்து வாங்கிய காருக்கு வரி காட்டாமல் டபாய்க்கும் எங்கள் தளபதிக்கு, சர்ச்சை எல்லாம் சமோசா சாப்பிடுவது மாதிரி.
Rate this:
Mohan - Thanjavur ,இந்தியா
27 நவ, 2022 - 00:33 Report Abuse
Mohan சிக்குனாதான் படம் விற்க்கும்.
Rate this:
N Annamalai - PUDUKKOTTAI,இந்தியா
26 நவ, 2022 - 22:41 Report Abuse
N Annamalai விளம்பரமாக இருக்கலாம் ?
Rate this:
26 நவ, 2022 - 21:59 Report Abuse
Jaba Jaba 0 ..........
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in