Dinamalar

சமந்தாவைப் பாராட்டும் ரசிகர்கள், சினிமா பிரபலங்கள்

தமிழ், தெலுங்கில் முன்னணி நடிகையாக இருப்பவர் சமந்தா. அவர் முதன்மைக் கதாநாயகியாக நடித்துள்ள 'யசோதா' படம் இந்த வாரம் நவம்பர் 11ம் தேதி வெளியாக உள்ளது. இப்படத்தின் புரமோஷனுக்காக தனது உடல்நிலையையும் மீறி ஒரு நாளை ஒதுக்கியுள்ளார். தசை அழற்சி நோயால் பாதிக்கப்பட்டுள்ளதாக சமீபத்தில் சமந்தா தெரிவித்திருந்தார். அதற்கான சிகிச்சையில் அவர் இருந்தாலும் 'யசோதா' படத்திற்காக அவர் புரமோஷன் செய்கிறார்.

நேற்று இது குறித்து சில புகைப்படங்களைப் பதிவிட்டு, “எனது நல்ல நண்பர் ராஜ் சொல்வது போல, நாள் எப்படியிருந்தாலும், எவ்வளவு மோசமான விஷயங்கள் இருந்தாலும், “குளி, ஷேவ், வெளிப்படுத்து” என்பதே அவருடைய குறிக்கோள். 'யசோதா' படத்தின் புரமோஷனுக்காக, நான் ஒரு நாள் கடன் வாங்கியுள்ளேன்” எனக் குறிப்பிட்டுள்ளார். அவரது பதிவுக்கு ரசிகர்களும், சினிமா பிரபலங்களும் வாழ்த்து தெரிவித்து கமெண்ட்டுகளைப் பதிவிட்டுள்ளனர். அந்த ஒரு பதிவை மட்டும் 22 லட்சத்திற்கும் மேற்பட்டவர்கள் லைக் செய்துள்ளனர்.

தாங்கள் நடிக்கும் படங்கள் வெளியானால் அது பற்றி எந்த ஒரு பேட்டியோ, அந்தப் படங்களின் விழாக்களிலோ கூட கலந்து கொள்ள மறுக்கும் சில ஹீரோக்கள், ஹீரோயின்களுக்கு மத்தியில் தனது உடல்நலனையும் மீறி சமந்தா எடுத்துள்ள ஒரு துணிச்சலான முடிவு சினிமா உலகத்தினரையும், ரசிகர்களையும் வியக்க வைத்துள்ளது.

• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...

• 
  5 வருடப் பயணம்: அல்லு அர்ஜுன் நெகிழ்ச்சி
• 
  257 நாட்கள் நடந்த 'விடுதலை 1, 2' படப்பிடிப்பு
• 
  பிளாஷ்பேக்: பழம்பெரும் பாலிவுட் நடிகர் வி சாந்தாராம் தயாரித்த பைந்தமிழ் ...
• 
  எங்க வீட்டுக்கு வந்த மகாலட்சுமி ; அதிதிக்கு சித்தார்த் புகழாரம்
• 
  நயன்தாராவுக்கு ரூ.25 கோடி; நாக சைதன்யாவுக்கு ரூ.50 கோடி- நெட்பிளிக்ஸ் திருமண ...