டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவில் விஜய் நடிப்பில் வெளிவரும் படங்களின் முதல் சிங்கிள் பாடல், அல்லது மற்ற பாடல்கள் ரசிகர்களைக் கவர்ந்துவிட்டால் அவை யு-டியுபில் பெரிய சாதனையைப் படைக்கும். அவரது படங்களின் பாடல்களுக்கு ரசிகர்களிடம் அப்படி ஒரு எதிர்பார்ப்பு உண்டு. அவரது புதிய படங்களின் பாடல்கள் அவருடைய முந்தைய பட பாடல்களின் சாதனைகளை எப்படியும் முறியடித்துவிடும்.
ஆனால், 'வாரிசு' படத்தின் முதல் சிங்கிளாக சமீபத்தில் வெளிவந்த 'ரஞ்சிதமே' பாடல் முந்தைய சாதனைகளை முறியடிக்காமல் பின் தங்கிவிட்டது. 'ரஞ்சிதமே' பாடல் 24 மணி நேரத்தில் 18.5 மில்லியன் பார்வைகளையும் 1.3 மில்லியன் லைக்குகளை மட்டுமே பெற்றது.
இதற்கு முன்பு இந்த ஆண்டில் வெளிவந்த 'பீஸ்ட்' படத்தின் முதல் சிங்கிளான 'அரபிக் குத்து' பாடல் 24 மணி நேரத்தில் 23.7 மில்லியன் பார்வைகளையும், 2.2 மில்லியன் லைக்குகளையும் பெற்று அப்போது புதிய சாதனையைப் படைத்தது. அந்த சாதனையை 'ரஞ்சிதமே' பாடலால் முறியடிக்க முடியவில்லை.
விஜய் நடிக்கும் படத்திற்கு தமன் இசையமைப்பது இதுவே முதல் முறை. எனவே, இந்த 'ரஞ்சிதமே' புதிய சாதனையைப் படைக்கும் என்று எதிர்பார்த்த படக்குழுவினருக்கு சற்று ஏமாற்றமே. இருந்தாலும் தற்போது 25 மில்லியன் பார்வைகளைக் கடந்து, யு டியூபில் இன்னமும் டிரென்டிங்கில் முதலிடத்தில் உள்ளது இந்தப் பாடல். அடுத்து வெளிவர உள்ள பாடல்கள் புதிய சாதனையைப் படைக்கும் என்ற நம்பிக்கையுடன் விஜய் ரசிகர்களும் காத்திருக்கிறார்கள்.