Dinamalar

ஐஸ்வர்யா இயக்கும் ‛லால் சலாம்' - ரஜினி சிறப்பு வேடத்தில் நடிக்கிறார்

ரஜினியின் மூத்த மகளான ஐஸ்வர்யா ‛3, வை ராஜா வை' ஆகிய படங்களை இயக்கினார். நீண்ட இடைவெளிக்கு பின் ஒரு படத்தை இயக்க உள்ளார். இந்த படத்தை லைகா நிறுவனம் தயாரிக்கிறது. இதில் நாயகனாக அதர்வா நடிப்பதாக இருந்தது. சில காரணங்களால் அவர் நடிக்கவில்லை. இப்போது விஷ்ணு விஷாலும், விக்ராந்த்தும் நாயகர்களாக நடிக்கின்றனர். இதற்கான அறிவிப்பை வெளியிட்டுள்ளது லைகா நிறுவனம். மேலும் இந்த படத்தில் நடிகர் ரஜினிகாந்த் சற்றே நீண்ட சிறப்பு வேடத்தில் நடிக்க உள்ளார். ஏ.ஆர்.ரஹ்மான் இசையமைக்கிறார்.

இந்த படத்திற்கு லால் சலாம் என பெயரிட்டுள்ளனர். இந்த படத்தின் பூஜை இன்று(நவ., 5) காலையில் நடந்தது. அதோடு படத்தின் பர்ஸ்ட் லுக் போஸ்டரையும் வெளியிட்டுள்ளனர். அதில் கிரிக்கெட் பேட், பால், ஹெல்மெட் போன்றவை எரிவது போன்றும், பின்னணியில் கலவரம் நடந்த இடம் போன்றும் போஸ்டர் வடிவமைக்கப்பட்டுள்ளது. இதனால் இந்தபடம் கிரிக்கெட் விளையாட்டை மையப்படுத்திய படமாக இருக்கலாம் என எதிர்பார்க்கப்படுகிறது.

லால் சலாம் படம் மூலம் முதன்முறையாக தனது அப்பாவை இயக்குகிறார் ஐஸ்வர்யா. ஏற்கனவே இவரது தங்கை சவுந்தர்யா, ‛கோச்சடையான்' படம் மூலம் ரஜினியை இயக்கினார். இப்போது ஐஸ்வர்யாவுக்கும் அந்த வாய்ப்பு கிடைத்துள்ளது.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  சிம்பு - வெற்றிமாறன் படத்தின் அடுத்த அப்டேட் ?
• 
  தமிழ் இயக்குனர் ஷங்கரை மீண்டும் விமர்சிக்கும் தெலுங்கு சினிமா
• 
  பாலாஜி மோகன் இயக்கத்தில் அர்ஜூன் தாஸ்
• 
  போலீஸாக நடிக்கும் கவுதம் ராம் கார்த்திக்
• 
  கண்ணப்பா படத்திற்கு அடித்த ஜாக்பாட்